新一年會有好多新project, 我已經為自己同我嘅工作定下目標, 希望一切順利, 可以如期達標!
Jan 3
2014返工嘅第一個星期五, 我老細又叫左我去食lunch. 新一年搞搞新意思, 試新野～
門口兩邊貼滿啲小朋友畫嘅畫~
入面裝修係啲舊diner嘅風格
以普通diner呢講味道都okay,不過係啲傳統diner嗰啲香口同比較油膩嘅煮法, 亦都無任何花巧野, 間唔中一次都okay嘅~
放工大隻佬同左我去Sephora換左佢送比我嗰個curling iron.
佢買比我嗰隻個圈太細, 同埋我而家先知原來flat iron都可以整到曲髮, 所以我決定去Sephora換過個flat iron!
計埋稅, 我要補$130, 個 flat iron 承為$245+tax... /omg
比完錢後, 我個銀包有陣寒意... 做女人真係好 high maintenance /no
Jan 4
今日因為有啲野上次喺Costco買漏左, 所以今日要去Costco一轉.
喺預備緊出門口嘅時候, 我留意到大隻佬今日個髮型有啲奇怪, 不過我又突然間諗唔到exactly係乜野咁怪... 喺佢另轉身嘅時候, 我咁啱望到呢一個畫面...
原來佢用左我新買返嚟嗰個 flat iron 嚟夾自己前面啲頭髮!!! /XD
笑到我肚痛!!! 佢夾到啲頭髮一支支豎起晒!
大佬, 而家你要扮超級煞亞人咩?!?!
我笑到手震咁幫佢變返做一個地球人, 跟住我哋就出發去Costco喇!!!
買完野， 我哋去左 Hastings Street 一間希臘餐廳食晚飯.
呢間係純粹即興去試下, 不過都比我哋預期中好味喎~
呢個pita bread好味, 烘得夠熱同夠香
呢個 Calarmari 份量好足
我哋叫左雞肉串燒飯同燉羊脾飯
味道唔錯, 啲飯唔會太乾, 舊薯仔仲好好食添, 我連大隻佬嗰舊都食埋~
呢杯希臘咖啡都okay, 不過有啲似越南咖啡... /XD
食完晚餐又點少得甜品呢～
返屋企煮個薑湯芝麻湯圓, 好味又暖胃
Jan 5
今日係"雪櫃大掃除日". 通常佳節過後屋企都會有好多淨餘物資, 所以我今日要清晒佢, 唔好哂左啲野食.
午餐嗰時我喺freezer搵晒啲擺左一段時間仲未食嘅野, 煮左佢, 咁先有位買新野吖嘛～
晚餐就將雪櫃其他嘅存貨, left over 湊埋晒做一餐, 成功清晒啲淨餘物資~
No comments:
Post a Comment