Halloween

我同大隻佬係喺 Halloween 前少少嘅時候認識嘅, 我哋認識左大家嘅第一個 Halloween, 我哋嗰時仲未一切. Halloween前幾日我哋同成班friend去dance, 正日嗰日我哋放學一切去左睇戲, 跟住就去左晚飯, 仲去放煙花添~ 所以Halloween對於我哋嚟講有好特別嘅意義.

今年已經係我哋嘅第唔知幾多個 Halloween, 今年我因為要去seminar, 早左完成, 所以我自己返屋企先, 係屋企換定衫等大隻佬放工. 大隻佬返屋企接左我之後, 我哋就出發去食晚飯. 我哋本來諗住去downtown, 點知我特然諗起何源記嘅荷香龍蝦糯米煲. 呢排我又鬼咁想食糯米飯喎, 大隻佬又好鍾意食龍蝦嘅, 大隻佬就梗係贊成我嘅提議啦!

我哋今次叫左手撕雞, 荷香龍蝦糯米煲同蒜蓉介蘭, 我哋都有起碼兩年無嚟過喇~ 啲水準都還keep到嘅.

今日懶得煮

通常我哋一定會weekend有一日留係屋企兼煮飯, 不過因為個背脊今日先好返少少, 所以今個 weekend 費事煮飯, 唔係企完幾個鐘肯定背脊又痛。/sweat
今日無出街, 懶到連外買都費事出去買, 叫delivery算數~ /nobigdeal

今晚想食少少辣野, 叫左"一點心意"送餐, 近近哋自家經營嘅小店, 啲野食都okay㗎, 仲有我鐘意嘅糯米燒賣添~ 

今次叫左口水雞, 蒙古牛肉, 蒜蓉豆苗, 咕嚕肉同糯米燒賣. 一打開盒, 我已經急不及待食左粒糯米燒賣, 所以相入面係少左粒㗎... /wahaha

Abbotsford -> Oakridge -> Richmond

今日大隻佬一早約左要去Abbotsford換呔. 我本來想唔去㗎, 因為坐得耐會背脊痛, 不過唔陪佢去又好似好無義氣, 所以我最尾都係同大隻佬一切去 ~ 我真係唔話得, 果然有義氣呀吓!!

好彩今日我哋校arm時間唔塞車, 1:00pm 出車, 3:30pm 就搞掂返到 Vancouver. 跟住我哋去左 Oakridge Center, 因為我喺 Crate & Barrel reserve 左啲野, 要去 pick up.

又到聖誕, 又到聖誕......啦啦啦啦啦啦

不過件貨有啲問題,  要 back order, 又要等多個星期先有 /floor

我個背脊好痛呀!!!

經過星期三晚, 企左兩個半鐘同琴日又係好勞累嘅一日之後, 我今日終於頂唔順要call in sick!

我琴晚成9:00pm都仲係出面, 睇緊人哋 Hula dance class, 我一路睇, 個背脊一路痛, 痛到我想嘔, 終於頂到 9:30pm, 終於搞掂可以返屋企 /sweat

我一返到屋企立即去沖涼, 跟住攤左喺床就瞓左。一瞓瞓到今日, 一起身都仲係好痛, 所以我都係call in sick算數, 留喺屋企休息下.


我9:30am起左身, 食左啲野, 跟住就攤唞吓, 睇下電視, 瞓下覺, 好快大隻佬就放工喇！/blush

大隻佬見我咁可憐, 佢就話不如同我出去食下野啦~ 雖然我個背脊仲係唔係咁舒服, 咁我又唔想 Friday night 要佢陪我食飯盒, 所以我哋最尾去左downtown食飯.

我哋去左Sura食韓國野,  因為我想食啲熱野暖下胃. 

大隻佬以前好憎食韓國野, 成日都話好似食農村菜咁, 不過經過我多年嘅感化, 佢而家不知幾鍾意食, 有時係佢自己話要食添呀!!!

繁忙嘅一天

今日過左超攰嘅一日, 一早返到公司就要搞掂啲urgent野, 跟住十二點 business lunch, 今次第一次試呢間, Campagnolo.

兩點趕返公司開會, 一開完會就要出去睇專科. 去到診所樓下, 泊左車, 望一望條街, 嘩! 好舒服呀! 即刻心情輕鬆晒 /please

為食鬼係煮婦系列 - 第一回

通常我同大隻佬嘅weekend都係淨係會出去一日, 一係星期六,  一係星期日, 另外嗰日通常會留喺屋企或者去啲近近哋嘅地方, 如果weekend去得太盡, 星期一返工會勁攰...  /sweat

今日大隻佬要留喺屋企做野, 所以我哋今日無出去. 我十一點起左身就去煮早餐.
今次食鬼佬早餐, 有sausage, hashed brown, scramble eggs, french toast 同 yellow kiwi, 好味!!!

去Richmond飲茶

我哋都有一排無去飲茶，我好想食鹹水角同鳯爪呀! 所以我同大隻佬就決定今日去飲茶喇. 起身嗰時都已經係中午十二點, 嗱嗱臨梳洗換衫出發！

通常我哋都會去海港或者玉庭軒, 不過我哋今日去到Richmond都兩點喇, 所以我哋去左好耐無去嘅龍景軒。

我見Mr M. 差唔多時間放工, 實要食野, 佢女朋友, Miss D.又要剝智慧齒, 唔得閒理佢, 所以我就叫埋佢喇, 我哋又可以傾下計, 一舉兩得。 

我哋一坐低就落 order, 叫左九碟, 其中一樣仲要喺炒伊麵添!!! 

我哋好肚餓啊!!! Mr M. 又未黎到, 我哋喺到發哞哣...

搞搞震, 無幫襯

原本我plan左今日放工去 Downtown shopping, 不過今日大隻佬又要好遲先放工, 所以我嘅計劃又泡湯... 結果我哋近近哋, 去左 Metrotown.

我哋經過 Home Sense, 走左入去行個圈. 我哋喺 cookware department 搵到set好大嘅刀叉擺設, 大隻佬好興奮, 喺咁攞黎擺pose. 佢玩左好耐, 個個人行過都望下佢, 佢又面皮鬼咁厚, 唔怕面懵, 繼續擺佢嘅pose.... /sweat

真係頂佢唔順... /blur

終於可以鬆—鬆

因為大隻佬勁忙嘅原故, 連續好多日都8:00pm先放工, 所以我都一切OT左好多日, 今日因為我地要覆診, 所以我地4:00pm就走喇! YAH!!! 太好喇, 離開公司嗰時仲見到太陽 /please

我地覆診之後去左Costco. 大隻佬對於所有其他嘅grocery stores都唔係太喜歡, 次次都一路跟住我, 一路玩電話. /sweat

如果我行左去, 換個師奶企係佢隔離, 我諗佢都唔會feel到. 不過佢又okay鐘意行Costco喎, 可能Costco有啲佢會有興趣嘅嘢啦...

你睇佢行得幾開心, V晒手咁...

聖誕節又就快到喇, 聖誕裝飾又出籠~

Haagen Dazs ice-cream bar 减價, 好低喎!!

我哋行左一輪嘅成績 /hmm

一攞左雪條之後, 我地就速速check out歸家去, 唔係嗰ice-cream bar 會溶㗎 /wahaha

Thanksgiving 翌日歇一歇

今日係星期日, 不過因為今個星期係 long weekend, 聽日仲係假期, 所以今日我同大隻佬起身嗰時心情都非常愉快. 因為琴日忙左一日, 我哋又無乜特別野想做, 所以我地諗住今日同聽日都留喺屋企歇一歇. 

一起身都已經係晏晝, 我哋是但 reheat 返琴晚啲 left over 做 lunch.
然後我哋就攤左喺梳化煲劇. 我本來諗住是但開集 "巨輪" 睇下, 點之套劇又Okay喎, 比我想像中好睇, 特別喺講阿信同倀雞英段感情, 大家一齊奮鬥, 互相扶持, 所有野嚟得自然, 比好多講到男女主角好完美嘅劇好睇, 我哋一睇睇左十五集!!! /sweat

夜晚八點幾, 大隻佬無啦啦話有啲頭痛, 要瞓一陣, 一瞓就瞓到十一點, 咁佢瞓醒就出去尖士小廚食宵夜打冷喇!

呢間啲野食都唔錯, 我同大隻佬次次想打冷都會嚟呢到, 好食過 Richmond 嗰啲, 仲有糖水送添!
呢到一夜左就會喺電視播歌, 有啲熟客會唱K添, 情況有啲搞笑, 好似九十年代未有獨立房唱K, 啲人喺啲廳唱咁, 不過好彩都唔會好噪. 

食食下仲有合唱歌嘅經典, "相思風雨中"

難解百般愁相知愛義濃(女)
情海變蒼茫痴心遇冷風(男) 
分飛各天涯他朝可會相逢(女)
蕭蕭風聲淒泣暴雨中(男)......

我亞媽同我啲亞姨以前成日唱呢首, 直情唱爆咪 /XD
搞到我都好想唱 K, 好耐無唱過喇... /floor

又到食火雞既時候 - Thanksgiving

今日我一早就起左身, 今日天氣好好. 心情都特別好. 望出窗外, 仲見到有啲樹開始轉紅色. 下一個weekend一定要去睇紅葉先得!

我起左身就開工做家務, 預備今晚餐飯. 我決定煮定個洋蔥湯先. 由於大隻佬好鍾意飲洋蔥湯嘅原故, 所以好多時我一煮西餐, 佢都會要求我煮呢個湯, 今次都唔例外.  French Onions Soup 其實好容易煮, 最難係點brown嗰啲洋蔥, 要好好心機, 比耐性慢慢煮到啲洋蔥啡色先再落 broth, 咁個湯先香同甜 

Thanksgiving Preparation

今個weekend就係Thanksgiving喇! 

雖然我同大隻佬得兩個人, 但係我哋都會應下節, 邀請啲朋友返屋企, 整 Turkey Dinner. 今年我請左我最好既朋友, Mr M. 同佢女朋友星期六嚟食火雞.


隻火雞我哋就一早買左, 我今年買左 Butterball, 因為佢啲火雞肉香啲, juicy啲. 我仲簡左stuffed turkey, 唔洗咁多工夫整stuffing嘛 /wahaha
今日星期五我同大隻佬放工就去左grocery shopping, 買埋其他嘅材料. 今年除左主菜焗火雞之外, appetizer 有 French Onion Soup 同 Tomato Onion Salad, sides 係 Garlic Mashed Potato and stuffing. 因為今日我要去Oakridge Center 買啲野嘅關係, 所以我哋去左入面嘅 Safeway 買材料.

大隻佬好鍾意喺我買緊野嘅時候影我相, 可能佢想影低我成日洗錢嘅罪證呱... /no

買到大包細包之後, 我哋就回家去, 要留力聽日汁屋同煮大餐 /hmm

大隻佬的 Comfort Food

每次當我問大隻佬想食乜而佢又無乜特別有任何特然好想食嘅野嘅時候, 佢一定話要食日式咖喱漢堡扒飯。

佢一見到呢碟飯嗰樣就會即刻LUM晒, 立即放低手上嘅野, 乜都唔記得, 眼中只有嗰碟日式咖喱漢堡扒飯.... /please
佢最高記錄係要我煮左一大煲比佢, 足足食左三日, 食到成身咖喱味 /sweat
今日佢又要我煮比佢喇, 唔知今次會食幾多日...

睇Gravity

今日無乜特別plan去邊到, 大隻佬同我呢個禮拜工作都仔繁忙, 好鬼攰, 所以我哋决定呢個weekend都係留响屋企休息吓 /sweat

琴晚買左今日8:10pm既飛去睇大隻佬等左好耐既"Gravity"大隻佬最鐘意睇sci-fi片㗎喇, 我都好期待.

我哋係屋企hea左一日, 食吓野, 汁吓屋, 瞓吓教, 到差唔多時間就出去睇戲, 我仲偷偷地帶左支津路烏龍茶, 熱浪, 同colleen 餅入去一路睇一路食...
套戲幾好睇, 95% 係Sandra Bullock做, George Clooney出埸得嗰20min到, 我唔係 a big fan of Sandra Bullock, 不過今次佢都做得 Okay. Overall, 套戲啲鏡頭角度拍得幾靚, 雖然我同大隻佬嘅favourite都重係 A Space Odyssey 2001. My favourite line is " Its's gonna be a hell of a ride!" 人生亦如是, 要好好enjoy呢個旅程.

睇完戲我哋近近地去左珍珠小館食左啲野

 

乜鬼都賣晒, 求其叫左個雞排飯同炸甜不辣就算, 如果再肚餓既屋企有瑞士汁雞亦同牛展... 大把野食, 再食過囉~
返到屋企我食左碗糖水, hea 吓, 睇吓電視, 大隻佬就繼續煲佢既聖鬥士星矢, 搞呢搞嘮咁又一個星期六喇... /sweat

又到Friday

我成日都嘗試平曰星期一至五寫下blog, 唔洗weekend一次過寫得咁辛苦嘛 /blush ... 不過平日放左工都已經勁攰, 一返到屋已經即刻冲涼睇一陣電視就去瞓教, 我真係無能為力 /nobigdeal

今日一早返公司做左陣嘢, 10am就出發去Langley, 去睇吓啲packing house. 好彩今日好好天氣咋

上年我哋十二月先去, 凍死我...去完Langley, 跟住要去Abbotsford. 我哋drop by 沿路嘅 Whitespot, 食左個lunch. 就黎 Thanksgiving, 我好想食Turkey, 所以order 左個 turkey lunch, 啲turkey勁難食, 好似食緊Hungry Man咁, 啲stuffing又勁濕..... /blur 好彩我無要mashed potatoes, 要左fries, 所以都有樣野係好食既唧 /hmm

跟住再揸多45min就到左Abbotsford, 做完嘢, drop by Thrifty Foods, 去gas station入油, 跟住係Tim Hortons飲左杯咖啡, 就回程返公司, 返到去已經係5:30pm, 好嘢! 輕輕鬆鬆又一曰, 放工! /wahaha

跟住大隻佬接左我, 我哋又例牌去Pricesmart 買餸, 我地之後去左Sasaya食飯, 跟住去Silvercity Metropolis 買定聽晚既戲飛. 返到屋企特然間好想食糖水, 比我係雪櫃摷到盒鮮腐竹, 嗱嗱臨煲左個腐竹雞蛋糖水潤一潤

食飽飽, 冲個涼睇一陣電視就瞓教喇 /bye