今日大隻佬正日生日, 究竟會做啲乜呢？
就係喺屋企攤係到, 乜都唔做喇！
大隻佬呢排實在太赲攰, 工作同讀書都已經佔用晒佢所有嘅時間, 所以佢今年嘅生日慶祝就係乜都唔做, 好好休息一下~
今日早餐係我上星期六整嘅蘿蔔糕, 要清左舊貨, 先可以再整新㗎嘛~
晏晝我哋喺屋企睇左套戲, Captain Phillips
我哋一早已經想睇, 不過到得閒嗰時已經差唔多落畫, 所以留返係屋企睇啦~
早幾日大隻佬買定爆谷豆準備定今日要用佢部爆谷機整爆谷!
部機唔錯, 話咁快就整好一大筒!
大隻佬成日話要食香港戲院嗰啲甜爆谷, 今日就試下喺屋企自己整~
用太古糖漿整出嚟個味道有少少似, 不過都仲差好遠... /sweat
究竟香港戲院嗰啲甜爆谷點整㗎??!!
今日嘅主菜!
祝賀說話我一早已經同大隻佬講左, 亦都無乜特別, 我唯一靜係希望佢健健康康, 我一定會喺佢身邊支持佢!
我哋本來切左半個蛋糕食, 但係因為個蛋糕太好食, 所以我哋食埋另外個半!!!
兩個人食左一個6"蛋糕, 啱晒我哋呢兩個 "甜牙齒", 好滿足呀 /wahaha
No comments:
Post a Comment