探病記

尋日我同大隻佬去Richmond嘅目的係要去探Mr M. 

Mr M. 上一個星期五已經做左手術將有癌細胞部份切除. 我剛剛呢個星期有定時打比Miss D., 睇下Mr. M嘅情況, 同時亦都比啲支持Miss D. 睇住身邊最親嘅人有事, 有時真係仲難受過自己有事...

Mr M. 呢一兩日清醒啲就可以去探下佢~

探Mr M.之前我哋喺Richmond Center 行左個圈, 我要去NARS買啲野, 跟住去左油雞雄食晚飯~

佢啲燒味好味, 佢仲會特登serve荔枝茶配燒鴨, 睇到相都想再去食 /please

我哋食完去一去Target就去左探Mr M, 我拎左啲電影電視劇去比佢, 等佢有精神嘅時候睇吓, 唔好一個人留係屋企靜英英吖嘛~

佢仲未好講到野, 有半邊面都仲未好郁到, 又食唔到野, 不過好彩都仲有精神同我哋傾計.
見到佢瘦晒落晒型, 真係心都實埋, 我一方面真係好鬼擔心佢, 但係又要好positive, cheerful咁同佢打氣!
我同大隻佬坐左陣就走, 唔想阻住Mr M. 休息.
我哋臨走前, 我拍一拍Miss D.背脊, Miss D.即刻眼濕濕, 佢都真係好辛苦好頻撲...
搵到可以一切共患難嘅人真係唔容易, Mr M. 第日好返一定要好好對Miss D. !


嚟緊個星期我同大隻佬都會好忙, 所以今日星期日我哋留喺屋企汁吓野, 到夜晚出去食啲簡單野就算, 平凡是福~