忙到甩肺

今年將會係非常忙碌嘅一年, 公司今年有週年紀念, 所以除左平時嘅工作之外, 重會多左好多野做, 不過好彩嘅係我嘅工作會經常接觸到新野, 有挑戰性啲, 如果唔係我咁怕悶, 我諗我實頂唔順!

我由一月二號開工開始完全無停過, 晚晚都做到好鬼夜, 我平日唔食晚飯嘅習慣都要破例去食返餐慰勞下自己~

又有公司飯要出席, 過完年成個人好似漲左 /omg

公司週年紀念正日我哋有個慶祝儀式, 請左好多人嚟, 連大老闆都嚟左, 好多賓客都好surprise！加拿大首富喎, 賓客個個都排晒隊同佢影相, 我老細都即刻拉住我介紹我比佢識, 影返張相~

為左保留一點點嘅傳統, 除左切蛋糕, 我哋仲有切燒豬儀式, 我好耐無見過成隻燒豬喇!

1月17曰

挨到星期五可以休息一吓, 立即去左食韓國野, 天氣凍成日都想食熱辣辣嘅野

食飽飽去H-Mart行一陣~

原來有栗子剝殻機㗎喎！

我好鍾意食栗子, 不過我極度少煮, 因為我搞唔掂個栗子殼 /sweat

啱晒我呢啲次次都剝殻剝到啲栗子爛晒嘅人！

今次見到呢隻梨, 比平時啲梨貴好多, 差唔多成$4一個, 一於試下好唔好食～

1月18曰

星期六我都有啲工事要做, 所以又係快快脆係 Brentwood Mall food court 食啲野

一睇就知呢個Mexi Fries Deluxe係我order㗎啦！

跟住就去左Costco同大統華買啲餸, 因為我今晚要整蘿蔔糕!

先綵排一次因為我好耐無整過喇, 費是用來過年嗰底糕失手啦 /blush

蒸糕其間食下甜品先～
公司週年紀念個蛋糕淨返好多, 我同事知我鍾意食蛋糕, 切左一大舊, 真係超大舊, 比我拎返屋企慢慢嘆～

可能擺左幾日, 唔多新鮮, 食唔晒, 我轉軚食左兩支雪條... /wahaha

話咁快就蒸好, 睇樣唔錯, 應該無失手, 一於聽做早餐！

1月19曰
今日食中式早餐, 煎蘿蔔糕同燒豬骨粥, 啲燒豬骨係公司週年紀念隻燒豬切出嚟, 又係我個好同事留比我嘅~

啲蘿蔔糕好成功, 大隻佬幾乎食晒啲糕!

食飽飽係屋企睇下戲休息下, 試下啲新喇叭～

大隻佬陪我睇<大屠殺>, 大隻佬話係日本版嘅 <Hunger Game> 喎~
雖然我覺得<Hunger Game>唔係特別好睇,  不過<大屠殺>好似仲流, teenager 戲, 我唔係特別太鍾意啲日本風格嘅拍攝手法~

睇戲要搵啲野食, 一於整個甜品 /please
啲waffle喺Costco買嘅, 味道都唔錯㗎

夜晚我哋都唔太肚餓, 所以煮左我哋啱啱喺Costco買嘅 Dungeness Crab Ravioli 做晚餐~

仲有我最鍾意嘅細路香檳 - 有氣蘋果汁
自從嗰時喺home stay度住, host father話我未成年唔比我飲香檳, 佢開左呢隻有氣蘋果汁比過我飲過一次之後, 我就成日買嚟飲喇

明天又要再同我張檯上面啲文件搏鬥 /blur