1314 - 一生一世

今日我哋又係約左 Mr M. & Miss D. , 為左方便佢哋, 我哋又去左Richmond, 今晚我哋去食私房菜！

去食飯之前, 我同大隻佬要去Aberdeen Center 食啲野同買個external hard drive先~

都唔知做乜又搞咁鬼耐, 等到有啲唔耐煩!

時間尚早, 我哋無野做所以又去左Richmond Center行個圈先去食晚飯

難得的 Home Alone

今日大隻佬放完假, 要返工喇, 所以我就home alone喇～
其實我都幾enjoy自己一個喺屋企, 因為我以前自己一個住, 習慣左乜都係自己搞掂, 其實都幾好㗎, 做乜都得!

今日再嘗home alone嘅滋味, 一個字, 爽!

我今日要做足一日couch potato! /wahaha

喺大隻佬好忙嘅時候, 我就send 張咁嘅相比佢激死佢 /XD

今日我懶得煮飯, 大隻佬放工去左Nanaimo Sushi買外賣返嚟～
我要食Dragon Roll /please

原來做無飯煮婦都幾爽!!! 

絕世好櫃 V1.1

Dec 27

我哋琴晚實在太夜瞓, 應該話係今朝先瞓, 所以我哋瞓到下晝先起身, 跟住就去return唔要嗰set mini speaker, 跟手買埋center speaker, 點知因為呢個location無存貨, 又要去第二個location, 我哋揸車去第二個location搞掂啲野就返Burnaby搵野食, 快快脆脆去Crystal Mall food court食碗面就返屋企試喇叭~

照舊!

Boxing Day

喺若干年前, 有一個小天使喺12月26號降臨喺呢個世界上, 天使面孔嘅背後, 原來係為食鬼嘅化身, 誓要食晒呢個地球嘅所有食糧 /wahaha

係呀! 呢個就喺我, 今日我生日呀~
我Boxing Day出世, 我Mammy話我越期居留成個星期, 佢聖誕節個日入院都要等到Boxing Day先生到我出嚟, 所以我細個嗰時成日都話自己差少少就趕得切做到耶穌喇!! /XD

自從嚟左加拿大之後, 我嘅生日就等於"大減價"!!!
Boxing Day Shopping永遠係我嘅生日節目之一, 今年亦唔例外~
我同大隻佬一早起身, 就九秒九出發去Metrotown BCBG 拎左我reserve左嗰兩件褸先, 跟住大隻佬話要去Vision買喇叭

佢密謀要換過屋企啲喇叭好耐, 今日趁boxing day sale佢話見到平好多喎, 前後兩set換過晒都係＄300咋喎, 咁又即管睇下啦~

一到Boxing Day Sale week, 啲電器舖就會張啲存貨show晒出嚟, 好似貨倉咁, 我真係好鬼怕, 好大塵, 我塊面, 對眼, 個鼻會好痕 /floor

Christmas Day

今日起身心情特別愉快, 因為終於到呢一日喇!
MERRY CHRISTMAS!!!

起左身, 就梗係整個早餐食左先有力預備今晚個 Christmas dinner 㗎嘛～

又喺我同大隻佬嘅 Classic Breakfast

我哋一路食, 一路睇 Home Alone, 我哋每年都會睇一次~

食飽我哋就拆禮物先~

有兩份禮物係我之前買advent calendar啲禮物嘅時候買落, 但係又好似太巨形, 所以變左另外兩份嘅聖誕禮物比大隻佬

Christmas Eve

Mr M. 聽日會嚟食聖誕晚餐, 所以我今日同大隻佬去左買餸.
不過喺買餸之前, 大隻佬要返公司做啲野, 我陪佢一切返去, 佢做野, 我上網~

工作中嘅男人係最有型㗎 /blush

差唔多下晝三點先離開公司, 拿拿臨去Granville Island Public Market買餸！

多人到爆！今日public market早閂, 個個都趕係閂門前買餸
因為public market啲肉唔啱心水, 大隻佬車左我去我哋買開嘅Jackson's Meat, 跟住去Safeway買多少少grocery 就返屋企~

聽日終於到聖誕節, 有乜好得過同最親嘅人一切慶祝!
我又有機會大顯身手 /wahaha

Advent Calendar - Dec 17 - 24

Dec 17 - Lip Stain
大隻佬話想我搽多啲唇膏喎 /blush

Dec 18 - 扮野軟糖
細個成日食, 整到好似漢堡包, 熱狗, 薯條咁嘅軟糖~ 啱晒大隻佬呢個大細路 /XD

回一回氣先

因為我同大隻佬已經買左大家最想要嘅禮物, 大家心如止水, 身心都要休息一下, 特別係個銀包!!! /XD

我哋今日無計劃去邊, 淨係想係屋企休息下, 所以我哋係屋企hea到晚飯時間先出去買野食~
今晚我想食韓國餃子麵, 所以就去左North Rd

奄尖鬼尋褸記

話說我想搵一件quality decent 嘅有帽毛毛褸已經搵左好鬼耐, 我上年已經搵緊, 搵搵下online 買左件Franche Lippee羽絨頂住先, 不過唔擋風, 大風嘅時候有啲凍... /omg

所以今年秋天嘅時候我已經又再重提我要買件新褸嘅事. 我每次行街都睇, Holt Renfrew, Aritzia, Nike, Sport Chek... 都睇過不過就係搵唔到件鍾意嘅!

大熱嘅 Moncler 我又唔鍾意, 我覺得佢個質地好似垃圾袋... /sweat
好多人買嘅Canada Goose 又好鬼誇張, 我而家又唔係去北極... /XD

我想搵一件 casual 得嚟個style又幼細啲嘅, 唔會太師奶不過又思文啲嘅... 我都知道我形容得好抽像, 無人明我講乜係正常嘅 /XD
今日我又決定要去搵褸喇!

Shopping之前就梗係要先醫肚先啦, 唔係大隻佬肚餓會發脾氣! /dignose
我哋去左高柏, 叫左我嘅至愛之一, 廈門炒米
大隻佬就食白汁焗魚柳飯

快快手食啲野, 跟住第一站就去左Oakridge Center 先~

年度大假開始

我通常都會等12月先放大假, 因為一到12月我就好holiday mood, 同埋我嘅工作喺12月嘅時候係最無咁忙嘅, 同埋連住啲公共假期一切放會爽啲吖嘛! /wahaha

今日我同大隻佬好晏先起身, 下晝四五點先至去Metrotown買大隻佬份聖誕禮物, 我之前買比佢個Sony Duo 13 佢話唔好用, 個mon啲色睇到隻眼好唔舒服喎, 所以今日同佢去簡過份禮物～

我哋去到Metrotown梗係先醫肚先啦, 點知我哋一坐低食左無幾耐就無啦啦爭論起上嚟, 整到我火火哋我唔鬼理佢行左去, 費事望住佢越望越火滾!!!

我哋各有各行, 我去左Club Monaco諗住睇下有無野啱, 結果我又買左一大袋比大隻佬, 佢最怕買衫比自己, 如果佢在場佢實話乜都唔買, 啲衫著到溶溶爛爛都話唔洗買 /omg

今日幫佢添返少少新衫~

明明頭先佢激死我我而家又買衫比佢, 我都係口硬心軟㗎喇！

我哋各自行左一個鐘我打返比佢, 因為我無帶手提電話, 佢搵我唔到, 咁當然佢要道歉先啦, 係佢頭先態度差! /hmm

跟住我哋會合返大家就去左Microsoft Store買佢話想試嘅Surface Pro. 

買完就返屋企先, 我哋太遲食野未食得落晚飯住~

一返到屋企佢就梗係拿拿臨開佢個新歡嚟試下啦...

OH YES!!! 終於放假喇!!!

今日係2013年最後一個工作天, 返埋今日工, 我就放假放到一月二號先再返工, 真係holiday mood到爆!

由於大隻佬都係返埋今日就放假到12月30號先再返工, 所以我琴晚整左個 chocolate cake 比佢拎返工請同事食, 佢哋公司好興咁樣請大家食野, 聖誕前最後一個工作日就梗係要食返件蛋糕慶祝下啦... (可能係我自己鍾意食蛋糕先咁講... /XD)

半夜時份又落雪, 今次仲落得幾大吓, 如果等下星期聖誕節先落就好啦... 

我想要White Christmas /floor

我同大隻佬早早出門返工, 怕塞車, Vancouver政府應付落雪嘅措施好鬼差, 唔夠剷雪車剷雪, 我以前住Edmonton嗰時, 落超大雪條路都無咁差... 不過好彩今日比預期中好喎!

通常放假之前嗰日都係忙到七彩, 我今日仲同老細開左全日會, 不過我老細好好人, 次次我year end放假之前嗰日佢都約我食lunch, 仲請埋我添~

今日都唔例外, 我哋去左 Campagnolo.

同事送嘅禮物

要特別記低我同大隻佬公司分別都有一位好有心嘅同事會專鄧買小禮物送比人~

大隻佬呢位英國佬同事送左set sausage & cheese 禮盒, 送酒最 perfect!

而我呢位好有心嘅同事間唔使都會送野比我, 今次佢屋企有事都百忙中抽空送禮物比我, 送左啲我講過話想要或者得意嘅野比我 /please

隻飛機係特別送比大隻佬呢個大細路㗎! 

我成日都會提醒自己, 唔好諗自己有乜野係無嘅, 要珍惜所有, 特別係身邊嘅人同經歷, 用自己嘅能力去爭取自己想要嘅野咁先有意義.
多謝呢兩位同事! 下次去金邊食炸雞亦我請 /wahaha

是日休息半天

今日我要去 West Boardway 做 body check, 所以我兩點鐘就放工. 搞掂晒所有野大約四點到, 大隻佬又未放工, 我就自己喺街周圍蕩, 我行左入去 Shopper Drug Mart 打發下時間~


搞搞震左一輪, 我買左支指甲油就去左間Cafe買杯咖啡諗住坐到大隻佬放工為止. 

點知我一買完杯Hot Chocolate坐低, 個staff就同我講佢哋閂門喇 /shock

早知去Blenz啦, 啲Hot Chocolate又好飲啲, 我買左嗰杯超唔好飲, 無朱古力味嘅... 似飲奶多啲 /floor

Advent Calendar - Dec 15-16

我琴日無拆到禮物, 所以我今日又同大隻佬一齊拆禮物 /hmm

Dec 16 份禮物係大隻佬嘅, 又係一樣好personal嘅野, 我要繼續幫佢保持神秘~

我 Dec 15 收到嗰份禮物又係啲扮靚用嘅野嚟, 大隻佬買咁多呢啲野比我梗係嫌我"污wear"頂喇 /sweat

各位觀眾, Sultra Curling Iron~

呢份禮物又係我之前想買, 但係講講下又會無左回事...
不過我無諗過大隻佬會專鄧上網做research睇下邊隻牌子好先再買比我. 呢支curling iron網上review非常好, 個個都話係最好用嘅curling iron~

大隻佬多謝晒呀, 我會用多啲做個索女 /blush

唔再係十八廿二喇...

我同大隻佬琴日無乜點瞓就出去, 去足一日, 真係好有昔日讀U嗰時嘅感覺, 而家年紀大左, 好耐都無試過咁做啦, 唔夠瞓會好似老左幾年咁... /sweat

以前大隻佬好"喪", 通頂完朝頭早出發去Whistler滑雪滑足一日, 跟住夜晚再渣車返Vancouver, 青春真好~

經過琴日無乜點瞓嘅一日, 我同大隻佬今日瞓到晏晝兩三點先起身, 我本來仲想瞓㗎, 不過我驚今晚會瞓唔到, 所以都係起身吧啦!

我一起身, 我已經發現聖誕樹下面又多左幾份禮物 /blush

原來大隻佬襯我未起身, 拿拿臨去包好琴日喺Blaine pick up 左個幾份禮物, 佢話要保持神秘感喎 /nobigdeal

咁鬼晏, 費時去買餸, 我煮左啲印尼撈麵, 韓國扁餃子同兩隻蛋做下午茶

仲冲左杯越南咖啡飲, 今日個下午茶好鬼無國界 /XD

食飽飽汁下屋, 又夠鐘食晚飯, 我又喺雪櫃搵材料, 比我左拼右拼煮左碟日式雞柳蘑菇炒長通粉出嚟! 上面加啲木魚粹同紫菜, 完成 /hmm

大隻佬話正啊!!! 我都覺得自己煮得幾好食 /wahaha

無啦啦又去左Outlet Shopping?!

今日我點都估唔到我哋無啦啦又會去 Seattle Premium Outlet shopping！ 事源係大隻佬喺 Amazon 買左啲禮物比我, 我哋要去 Blaine pick up 個郵包. 我琴晚半夜四點幾醒左, 到早上七點諗住瞓返既時候大隻佬就醒左, 話早早哋去 pick up 完個郵包就返屋企再瞓過~ 所以我哋咩都無預備, 我原全係素顏, 連sun screen 都無搽就出左去... /sweat

明明上網check話要等20分鐘咋嘛, 點知去到超長龍, 等左好鬼耐下, 我就趁機會瞓一陣, 到差唔多過border大隻佬就拍醒我

2013年放假前最後一個星期五倒數

今個星期過得好快, 因為我星期二同星期三放左病假, 休息左兩日, 雖然我都仲係好似病病哋咁, 不過起碼恢復返七成energy. 我返工返埋下個星期就放大假, 到一月二號先返工, 我諗我到放完假之前都會係處於雲遊狀態, 真係無mood做野, 我要放假!!! /floor 
同埋我呢個假期有個任務, 希望一切順利 /please

今日星期五放工大隻佬接左我之後, 我哋去左 Holt Renfrew, 因為我抵擋唔住 Holt Renfrew 個 special sale 嘅誘惑, 所以又諗住去進貢... 不過而家嘅Holt Renfrew 已經比好多新移民買起晒所有野咁, 啲野亂七八漕, 見到都無心機買, 所以我今次逃離一劫. 慳返去美國先買 /hmm

我行完一輪大隻佬叫肚餓, 所以我哋去搵野食~
大隻佬話想食鬼佬野因為我哋都好耐無食西餐. 

今次試下Chewies, 聽左有呢間餐廳好耐, 今日終於決定嚟試吓 /hmm
間餐廳細細間, 不過都坐得幾舒服~

Advent Calendar - Dec 12

大隻佬今日終於為自己開左一份無咁"行"既禮物, 雖然都唔好得過其他嗰啲好多... /XD

Marvel Super Hero 睡褲一條 ~
我送條唔同樣嘅, 唔係等佢買又係買直紋或者格仔 /sweat

Advent Calendar - Dec 11

今日我收到嘅呢份禮物真係令我幾驚喜吓 /hmm

我無諗過大隻佬會送一 set Gel甲套裝比我! /nobigdeal
我其實係好鍾意份禮物, 同好開心佢平時好似唔多細心. 但係其實佢有記喺心入面, 只不過佢平時唔表露出嚟嗟 /blush

但係我實在有太多指甲油, 如果我擁有呢 set Gel甲套裝, 我又會買好多唔同 gel, 同張我啲指甲油打晒入冷宮, set 野又唔係平, 所以我有啲衰咁叫大隻佬return左set野, 唔好浪費~

雖然份禮物return左, 不過大隻佬嘅心意我收到晒 /blush

大隻佬話佢其實預備多左一份禮物, 所以我今日可以拆多份～

Ta Da!!! 相架一個~ 

yay!!

我成日都話想買個相架放我哋啲相, 大隻佬買比我呢個我好鍾意呀. 簡單得嚟有少少特別, 有條繩同小衣夾夾住啲相, 可以打橫又可以打直, perfect! 

放公司定放屋企好呢 /hmm

Advent Calendar - Dec 10

對比大隻佬送比我啲禮物, 我送比佢個啲真係非常"行", 不過我有另外兩份禮物係比佢聖誕節先開㗎! 我唔求其得晒㗎!!! 雖然都係啲極度無聊嘅野 /XD


今日係十號, 佢自己喺咁多份禮物入面簡拆左呢份... 

咁而家我哋唔洗去Starbucks, 喺屋企都有得飲～
呢份似係我買比自己嘅多啲... 哈哈哈。。。/XD

病鬼左

呢排天氣凍, 日日都零下幾度, 我本身已經病病哋, 再加上上個星期OT 同星期六做足一日, 我今日放工嗰時已經發冷同流晒鼻水 /blur
我諗我聽日都係留喺屋企休息下, 我唔想聖誕假期先病 /floor
我想放工返屋企, 不過大隻佬要去Richmond拎啲野, 所以我哋放左工拿拿臨去左Richmond, 等大隻佬搞掂佢啲野之後, 我哋去左老油條食野, 我想食啲熱辣辣嘅野~

Advent Calendar - Dec 8-9

Dec 8 份禮物係大隻佬嘅， 係一樣好personal嘅野， 我驚如果我喺到篤爆佢，第日佢見到會罵我， 所以佢Dec8 收到嗰份禮物我就保持神秘啦 /wahaha

而我Dec 9收到嗰份禮物呢真係開心死我 /please

Ta Da!! 係我之前話想買, 不過之後無左件事嘅Clarisonic洗面刷!!!

我之前本來已經買左返屋企, 諗住用㗎喇, 點知大隻佬話上網買平啲, 咁我就return左我買左嗰個, 等佢幫我上網買, 點知我講講下已經無左件事, 我亦已經唔記得左呢部機嘅存在... 所以當我收到呢份禮物嘅時候真係好surprise, 我無諗過原來佢仲記得㗎 /please

大隻佬話原來上網有好多平啲嘅都係假嘅, 所以佢最尾都係去返Sephora買, 佢間左呢個minty blue比我, 佢話個顏色refreshing啲, 似洗面喎 /XD

攰爆都要出街

我本來諗住今日係屋企休息下, 不過一個星期先出一次街, 琴日因為公司個party無左個星期六, 我唔想浪費埋個星期日, 所以今日我同大隻佬都走左出去行下. 不過我太hea, 出發嗰時都三四點... /sweat


我想買件厚褸, 我喺街見到有人著件褸幾靚, 我估應該喺Holt  Renfrew買嘅, 所以大隻佬就同左我去Pacific Center行下, 睇下搵唔搵到件褸。

不過行完一輪都搵唔到, 我哋淨係食左枝Purdy's ice-cream bar, 個肚有啲空虛, 算啦早早哋去食晚飯啦. 
襯今日早食飯, 我哋去左小龍記, 我哋去到啱啱好, 晏啲都無位坐 /dignose

呢到舖仔細細, 不過真係好旺, 一係早啲五點半嚟食, 如果唔係唔訂位肯定無得食 /nobigdeal


老闆娘今日親自包小籠包

做到隻"積"咁

今日我頂硬上代替我個臨時唔得閒嘅同事去做個 company Christmas party. 我公司個party年年都搞好多野, 所以真係超多野做, 我行嚟行去, 足足由下午兩點做到夜晚十一點半, 我返到屋企之後對腳同條腰攰到好似唔係自己嘅咁... /no

不過好彩我抽禮物抽到＄100 Costco giftcard嗟!!! 我話過如果我今年又係抽到啲垃圾, 我下年就唔做committee!!! 點知真係比我咁好彩抽到張$100Costco giftcard喎?! Yay!! /wahaha

我今日全日整係晏晝食左個Triple O's 餐, 夜晚顧住做無時間食, 淨係食左少少... 又忙又攰, 返到屋企淨係想休息, 都無胃口食野 /blur

不過今日Dec 7, 輪到我拆禮物我唔會唔記得嘅 /hmm
我嘅禮物係... Yoga mat 一張!!

我成日話想買張 yoga mat 跳鄭多燕, 成日都睇唔啱, 大隻佬襯機會送一張比我, 等我唔洗再猶疑不決, 無機會有藉口唔做運動... /sweat

OT的一個星期

明天就係Christmas Party, 我同另外一個同事OT左一個星期, catch up 返啲野, 一定要今個星期之內全部做晒...

今天星期五早上去左Richmond做野, 跟住趕返公司完成埋啲濕粹野, 超級攰... 不過我哋超時完工! 我哋本來以為連今日星期五都要做到好夜先可以趕喺聽日party之前完成全部preparation, 不過我哋今日晏晝已經預備好晒, 我哋今日可以準時收工! 

大隻佬接左我, 我哋去左 Tory Burch, 因為我要去用左我張Birthday giftcard, 跟住我本來諗住去Granville St. 嗰間Anthropologie換返見衫, 點知大隻佬話同我去返Park Royal嗰間, 大啲多啲野簡喎, 所以我哋又去左Park Royal～

聖誕節時嘅Park Royal好有氣氛~

Advent Calendar - Dec 6

今日, 大隻佬收到嘅係全宇宙最"行"嘅禮物... Giftcard!! /XD

呢張 Purdy's giftcard 係比大隻佬用嚟食佢最鍾意嘅 ice-cream bar, 所以呢我喺交"行"貨之中, 都帶住一點點嘅細心㗎... /wahaha

Advent Calendar - Dec 5

今日我份禮物成個圓筒型鐵罐咁嘅形狀,  我一早就估係朱古力粉之類嘅野~
大隻佬知我鍾意飲Hot Chocolate, 所以好大機會佢會買Hot Chocolate mix比我沖朱古力飲 /please

Ta Da!!!! 
果然不出我所瞭, 真係Hot Chocolate Mix /nobigdeal 正!!! 
我等緊佢畫完隻杯比我, 等我用隻杯飲佢送比我嘅熱朱古力 /blush

Advent Calendar - Dec 4

大隻佬今日收到 Mini Glow in the Dark 乒乓波set一份~

我專鄧買嚟比佢拎返公司玩㗎... /XD

Advent Calendar - Dec 3

今日十二月三號, 又輪返到我拆禮物
我選擇拆呢份包得肉肉酸酸嘅先~

係Starbucks嘅DIY coffee mug 一隻!! 

我次次係Starbucks見到都話想買, 不過屋企太多杯, 次次都係講下就算, 估唔到大隻佬記得喎～/blush

我好衰咁問佢唔係應該畫好先送比我㗎咩??!! /dignose

哈哈... 我而家等緊佢嘅大作 /wahaha

Advent Calendar - Dec 2

今日十二月二號, 輪到大隻佬拆禮物

佢收到...

Purdy's Peanut Butter Chocolate 三條！！！

嘩哈哈哈... 我估大隻佬無諗過佢啲禮物係咁"行",  最緊要佢鍾意食吖嘛!!!  /XD