Saturday, November 30, 2013
無啦啦又有收穫
我呢排直情好似日日都買野咁, 無停過... 聖誕節真係一個令人流血不止嘅節日 /sweat
今日我同大隻佬去左Park Royal行下, 好耐無去過喇~
對上一次去呢道好似係上年嘅十二月... 一年一度嘅節目 /XD
我知Park Royal 裝修緊, 遲啲會大啲多啲舖頭. 雖然而家仲未整完, 不過都好過之前, 起碼多左啲我會行嘅舖頭
去到都已經四點幾, 大隻佬叫肚餓, 所以我哋求其去foodcourt 食啲野先行街~
大隻佬話要食 Chicken Terriyaki Soba
我就叫左Mexi Fries Deluxe
Read more »
Friday, November 29, 2013
聖誕購物記 之 <大隻佬早來的聖誕禮物>
因為負責我哋公司聖誕party嘅同事突然有事, 所以唔可以繼續負責個party, 全部野落喺另一個同事身上, 我本身只不過係committee member, 根本唔應該我頂上, 不過因為我老細嘅關係我就無啦啦要補上幫呢個同事汁手尾... 唉, 雖然有啲無辜, 不過無所為啦, 做人唔好怕蝕底呀嘛!
所以我今日星期五就無啦啦去shopping, 買聖誕party嘅禮物. 我公司聖誕party嘅禮物出名多, 人人有份永不落空, 仲要最平嗰份都有$50giftcard之類嘅禮物!
Anyways,總之因為不同原因之下, 今日我同我老細晏晝出左去買禮物. 我有時都好鬼佩服我老細, 堂堂一個VP, 乜都做, 好鬼hands on, 佢真係每日做足20個鐘咁濟.
我哋十一點出發去Richmond, 嗰到齊晒啲舖頭唔洗兩頭走呀嘛~
我哋先去Costco買左五個 1T External Hard Drives 同 50 張$100 Costco giftcards, 跟住再去 Pricesmart買左$4000 giftcards, 去完Pricesmart就去Earls食午餐先.
我哋攞住啲giftcards, 唔敢放喺車, 攬住晒喺身, 連食野嗰時都
拎
實, 唔見左都唔知點搞!
Read more »
Wednesday, November 27, 2013
聖誕購物記 之 <大隻佬的迷失>
我今預約左去染髮順手修下個頭過聖誕 /please
我早左收工, 自己去左剪頭髮嗰到先, 咁大隻佬一陣唔洗等我等咁耐~
我今次染啲深色啲嘅cool brown
染髮中途, 我係咁上網等自己唔好瞓著, 點知都係瞓著左... 好彩無流口水嗟 /XD
搞左兩個鐘終於搞掂!
大隻佬接左我之後, 我以為返屋企啦, 點知佢話要去Metrotown喎! 因為佢仲未準備好advent calendar啲禮物比我 /dignose
我哋去到就分頭行. 我已經諗好左, 如果一陣間撞到佢嘅話我會扮見佢唔到, 掉轉頭行... /XD
費是ruin個surprise呀嘛~
我自己一個行下行下又走左入Home Sense睇下有無野啱, 我平時無留意, 今日比我睇到原來呢間Home Sense有second grade嘅Le Creuset 煲, 仲有bakeware添~
Read more »
Tuesday, November 26, 2013
情緒低落嘅一日
我今日唔知做乜野心情好低落, 睇乜都唔順眼, 我一早就打比大隻佬問佢可唔可以早啲放工, 咁大隻佬見我咁就話放工同我去行下街, 我哋六點咁上下就返屋企, 連平時weekday我唔食晚餐, 我今晚都要食!
每個月都有幾日情緒低落, 真係想叫大隻佬比我咬幾啖!/floor
因為我想食鹽蘇雞, 所以我哋近近哋去左Sasaya, 我哋到嗰時無乜人
我哋叫左鹽蘇酥, 炸豆腐, 同兩個泡菜火鍋
Read more »
Sunday, November 24, 2013
唔知自己做過乜嘅 Weekend - Day 2
今日星期日繼續我今個weekend無所事事嘅作風, 係屋企hea~
大隻佬今朝先返, 都唔洗旨意佢會早過中午起身, 我今日都係自己顧自己㗎喇 /nobigdeal
我起左身就即刻開工整我每個星期一次嘅baking, 今次整 Apple Strudel Muffin.
我本來諗住整 Blueberry Muffin, 不過大隻佬落order話要食 Apple Muffin, 咁好啦, 一於整 Apple Strudel Muffin!
我始終都搣唔甩我嘅free style作風, 人哋食譜話要white sugar, 我就是但落brown sugar... /sweat
真係是是但但, 求求其其...
Read more »
Saturday, November 23, 2013
唔知自己做過乜嘅 Weekend - Day 1
呢個weekend好似無乜做過野就過左, I want my weekend back!!!
唉... 唔緊要啦, 好快又到weekend㗎啦 /nobigdeal
我本來想今日星期六去North Vancouver 行下, 又可以去埋Park Royal, 不過我哋今日太晏出去,兼且我有啲工作要做, 要去Vancouver同Richmond睇啲野, 所以去唔成. 唔緊要, 下個weeekend先去~
我完成我嘅工作之後, 我哋去左麗都食下午茶, 叫左個茶餐.
沙嗲牛肉公仔麵拼火腿omelette, 餐包改菠蘿包, 飲熱奶茶.
大隻佬超肚餓, 佢想叫碟飯, 比我禁止佢叫! 而家四點幾食完碟飯今晚唔洗食啦?!!
我哋太肚餓, 啲野食一嚟到就比我哋掃晒... 我哋前後喺麗都入面只不過係半個鐘, 可想然知我哋食得幾鬼快!!! /sweat
大隻佬想去Future Shop 睇下laptop
Read more »
我們家的聖誕佈置 2013
因為原有嘅聖誕裝飾都已經用左幾年, 雖然我每年都會加少少新野, 不過今年想加多啲新野, 有啲新鮮感呀嘛! 所以我每次行街見到鍾意嘅就會買定, 今年都預備得差唔多, 屋企唔大, 盡左力㗎喇~
我哋今年棵聖誕樹~
Color tone 原用我鍾意嘅紅
色
同銀色, 加左啲新嘅ornaments, 等棵樹有啲唔同~
仲有今年新買嘅 Tree Top 星星~ 會著燈㗎!!!
Read more »
Friday, November 22, 2013
星期五, 食食食
又到左每個星期我返工返得最輕鬆嘅星期五!
今日lunch同老細去左食少林麵莊, 我叫左刀削緬, 老細叫左手拉麵, 仲叫左個餃子share, 跟住我哋去做野, 之後去左Tim Hortons飲左杯熱朱古力歇一歇~
再去做埋啲野跟住就返公司, 返到公司已經四點幾, YAY!!! 好快就放工!!!
我幾日前已經諗定今日放工要去金邊食炸雞亦!!! /please
大隻佬放左工嗱嗱臨接埋我, 跟住就出發~
想去金邊食飯一定要早啲去, 唔係有排等!
我哋叫左炸雞亦, 酸蝦湯同金邊湯粉
Read more »
食肉獸的一週晚餐
大隻佬係一個名副其實嘅食肉獸, 佢可以淨係食肉, 一條菜都唔食, 次次都係我夾到埋碗先至食少少, 佢會反抗話"我嗰日咪食左囉?!!" 佢講嘅"嗰日"其實可能係指幾日前... /blur
佢唯一鍾意嘅菜係豆苗同紹菜, 仲要係用超多油炒嗰種!!! 有時真係無佢符 /nobigdeal
我要記低佢呢啲不良嘅飲食習慣,遲啲比返佢自己睇!!! /XD
[星期一]
我哋十點先離開公司, 去左尖's小廚打冷~
Read more »
Sunday, November 17, 2013
聖誕節 - 火速準備中
今日星期日我, 同大隻佬好少何咁出左去, 因為我哋要去添啲聖誕裝飾, 同買餸準備今晚嘅韓燒晚餐~
整韓燒就梗係去韓國超市買材料啦, 近近哋去North Road嗰間H-Mart, 附近仲有Ikea, 可以去return返星期五晚買左唔襯我哋嗰廳嘅燈飾兼且簡過第二款.
晏晝出去先搵啲野食醫肚先. 我哋靈機一觸, 想勉懷下以前讀書時嘅回憶, 所以我哋去左Lougheed Mall. 自從畢業之後都無嚟過呢到food court食野, 可能讀書嗰時食到驚左... /XD
我order哋order左嗰 Pad Thai 同 Terriyaki Chicken Rice, 快快手食完就去左 Walmart, 諗住睇下有無啱我哋心水嘅野, 不過乜都簡唔啱, 淨係買左啲日用品, 特別係我每年都會補給既聖誕版Ziploc盒~
買嗰時無check, 我返到屋企拆開諗住洗嘅時候先發現嗰細盒一set應該有三嗰盒加蓋, 點知我呢set竟然少左隻蓋!!!
Read more »
Saturday, November 16, 2013
行程緊密嘅星期六
今日我哋有好多野要搞掂, 我哋喺屋企hea到好晏, 三點幾先出去, 要快手啲先得喇!
首先去London Drugs return 個 drawing pad.
跟住去 Metrotown, 我同大隻佬分頭行事, 佢去 Sony Store return 部 PS4, 我去Superstore return 啲唔啱用嘅聖誕燈, 跟住我去左 Home Outfitter 睇下有無啱用嘅聖誕裝飾, 順手睇下我呢排好想買嘅 stand mixer /hmm
喺 Metrotown行去Home Outfitter嘅沿路見到嗰聖誕裝飾, 年年都係呢個款, 可能廿年後都仲係呢個款... 同香港嗰啲年年新款無得比!!! /sweat
Read more »
Friday, November 15, 2013
Christmas Shopping 開始
仲有差唔多一個月就聖誕節, 周圍都好有節日氣氛, 我都好有 holiday mood, 特別 holiday shopping 嘅 mood! 平時都已經成日買野, 而家直情一出街就買到一袋二袋, 我怕未到聖誕我已經用晒我啲彈藥... /sweat
今日喺Holt Renfrew Laura Mercier 有個化妝 event, 試新產品, 我book左五點鐘, 諗住自己早少少喺公司走, 自己去先, 大隻佬放工先嚟接返我, 唔洗佢等我咁耐~
仲有另一個原因就係我想自己行下, 買定份聖誕禮物比佢 /please
我喺Holt Renfrew同Pacific Center行完一輪都無乜大收穫, 淨係喺 Laura Mercier 買左少少 foundation, concealer比自己, 同買左條皮帶比大隻佬.
跟住七點鐘咁上下, 大隻佬接左我, 首先要去 Purolator pick up 部PS4, 跟住我哋去Coquitlam Ikea, 要買個新嘅 footstool cover, 同想睇下有無聖誕燈用嚟裝飾下廳個窗.
買完野離開Ikea嗰時都已經九點, 我哋諗住近近哋係 North Road 買啲外賣返屋企慢慢嘆~我提議去買韓國炸雞, 我又好掛住嗰啲炸雞辣醬, 再配 Dominos BBQ Chicken Pizza, 一次滿足晒我兩個願望 /wahaha
點知係我哋pick up晒所有外賣諗住返屋企嘅時候, 大隻佬偷雞喺條街道 U turn, 仲要比後面突然出現嘅差佬睇到!!! /omg
咁就無啦啦食左張牛肉乾喇... $167 !!! 未食飯都飽晒... /no
返到屋企啲野食都凍晒, 叮熱佢嗱嗱臨開餐~
Read more »
Monday, November 11, 2013
為食鬼係煮婦系列 - 第三回
今日係 Remembrance Day, 公眾假期, 所以又多左一日時間比我喺屋企搞搞震~
我同大隻佬假期嘅首要任務就係瞓覺! 所以我哋一定會瞓到夠先起身. 雖然個生理時鐘習慣左每日要早起, weekend九點零十點就會醒一醒, 不過我哋都會盡瞓, 瞓到再瞓唔著先捨得起身, 不過例牌一定係我起身先.
不過因為琴晚我哋都幾晏先瞓, 所以我都瞓到一點幾先起身 /shock
第一樣任務 - 煮早餐.
我同大隻佬嘅早餐例牌有 sausage, scramble eggs, hash brown 同水果, 時日水果係 red kiwi, 再配牛奶oatmeal.
Read more »
Sunday, November 10, 2013
咁又一日
今日中午起左身, hea下hea下, 差唔多四點先出去, 第一站係 Costco.
我哋一入到去Costco, 嚇一嚇!
嘩!!! 咁多人嘅! 啲人已經開始Christmas shopping?! 我哋未見過呢間 Costco 咁多人㗎~
因為我哋要去downtown買蛋糕, 所以無時間慢慢行, 我哋嗱嗱臨拎左要買嘅野就去比錢.
Cashier排到打晒蛇餅, 不過好彩都唔洗等好耐 ~
Read more »
Saturday, November 9, 2013
我的收"鑊"
今日我同大隻佬起身立即去沖涼換衫! 原來佢琴晚又係諗住休息一陣先去沖涼, 點知佢同我一樣太
攰
, 喺書房瞓左, 瞓到今朝先起身... /omg
我哋兩個無啦啦罰自己瞓左一晚梳化同書房椅... /sweat
搞左一輪, 終於出發去 W41st Ave. ~
今朝大隻佬無啦啦話比我聽佢打左電話去 Call The Kettle Black 留左Staub隻鑊比我 /blush
我話左要買隻鑊好耐, 不過成日都無實際行動, 因為我仲係心大心細買唔買過隻鑊好. 我屋企隻鑊又無問題, 都仲用得, 同埋我好擔心Staub隻鑊會太重, 所以我一
直
無行動, 咁大隻佬之前又話同我去 Seattle 睇下先, 所以我好surprise佢會無啦啦話今日就去買!!!
喺我迫供之下佢話係諗住買anniversary禮物比我, 咁佢又知我想買隻鑊, 所以諗住試下打電話去舖頭問一問, 點知仲要做緊sale, 又有我想要嘅紅色, 所以就嗱嗱臨留定同我去買!
YEAH~ 我終於買左隻鑊喇 /blush
我仲買多左兩個 baking dish 添!!!
Read more »
Friday, November 8, 2013
Long Weekend, 我等得你好苦呀!!!
期待已久嘅三日Remembrance Day long weeknd 終於到喇!
呢排好鬼忙, 有啲其實唔關我事, 但係又無啦啦拉埋我落水嘅野要做... 唉是但啦, 做咪做囉, 做完又一條好漢!
今日星期五, 因為晏晝要出去睇啲 props 嘅關係, 嗰道又好近我屋企, 所以順理成章睇完之後直接返屋企!諗住朝早可以靜靜地喺office做埋啲野先出去, 點之都係有啲特發野趕到我死, 遲晒先出去... /sweat
睇完props返到屋企都已經差不多五點, 喺屋企hea一陣, 等大隻佬返嚟, 八點幾我哋先出去食飯~ 大隻佬提議去downtown Santouka食拉麵, 都好呀, 有一排無食過~
我哋去到downtown都差唔多十點, 點知都仲要排隊, 好彩等左十五分鐘左右就有位~
我叫左 Shio ramen, 大隻佬就要 Shio ramen set, 再加多個餃子添 /please
Read more »
Sunday, November 3, 2013
為食鬼係煮婦系列 - 第二回
星期日, 休息日。
我同大隻佬本來諗住今天搵啲野做, 出去行下,點知大隻佬琴晚成晚故住打機, 朝早先瞓, 都唔洗指意佢會早起, 所以今日都係喺屋企hea下算喇~
我呢排突然引起, 想挑戰下整蛋糕曲奇! 我好少整呢啲糕點類嘅野, 一年都未必有一次... 因為我好怕整野要量份量, 我一向煮野都係free style嘅 /wahaha
今次小試牛刀, 整最classic嘅 Banana Chocolate Muffin 先 ~
我中午起身體就拿拿臨開工, 諗住大隻佬一起身就有得食.
開始個時都好地地, 點知整整下我個 free style 作風又嚟料... 我開始亂咁嚟 /blur
好彩我突然醒悟要跟食譜咋 /sweat
不過我都係出左少少錯... 我唔記得落 chocolate chips 呀!!! 一要量野同見到數字, 我就好似打左懵仔針咁, 乜都唔記得...
本來我已經覺得怪怪地, 諗左陣好似少左啲野, 不過都仲未發覺, 到放左入爐焗到一半先突然醒起!!! 不過已經太遲喇。。。/floor
所以製成品變左 banana muffin~ 好彩味道無問題, 大隻佬仲話好好味添!
我都覺得好味過我以前整嗰啲, 唔知係咪因為個新食譜呢?!
Read more »
Saturday, November 2, 2013
暈駝駝的星期六
每個月總有幾日令舍唔舒服, 心情特別差, 想收埋自己喺屋企就算... /blur
起身諗住沖涼換衫出去, 點知沖沖下涼頭暈, 真係feel到要暈低係浴缸嗰隻, 我驚會撞死自己, 即刻嗱嗱臨沖乾淨衝出洗手間, 叫醒大隻佬, 嚇鬼死佢, 佢以為我唔知做乜, 所以我地最尾搞左好耐先出門口, 成4點先出發...
第一站去左 Air Care 先, 今次完全無 line up, 前後十五分鐘搞掂!
跟住去左 Bed Bath and Beyond, 我想搵啲層架整理好我個廚櫃. 周圍都搵唔到嗰啲層架, 諗住撞下彩睇下呢到有無啦, 點知佢又有得賣喎~
太好啦, 個櫃即刻整齊晒 /please
Read more »
Friday, November 1, 2013
星期一至五小記
今個星期我又係 short week喇! 因為我星期一起身發覺個背脊都仲係唔太舒服, 所以我都係休息多一日, 費是返一日, 又要請假 /sweat
咁又可以快啲到weekend喇!
唔知做乜, 今個星期做野好似成日心不在然, 可能因為我今個星期有好多時候出左去做野, 返一返公司又再出去, 所以好似專心唔到, 下個星期應該會好啲!
經過四日嘅休息, 星期二返到公司覺得好多野做好煩, 好想買野, 橫掂我今年未買 boot, 咁就不如去買對boot獎勵下自己啦! /hmm
我一早就打去 Tory Burch, 叫佢哋留定一對我online見到嘅 boot比我, 諗住放工去試. 經我苦苦嘅哀求之下, 大隻佬好好人事咁早左少少放工, 等我可以自己shopping下.
我試左一輪, 最尾都淨係買左對 boot, 大隻佬仲話以為我買左好多, 搞咁耐~ /sweat
不過我已經留定另一對鞋, 叫佢一返貨就call我! 大隻佬一知道我留嗰對係高跟鞋就即刻話嗰對佢送比我喎, 佢最鍾意我著高跟鞋 /blush
Read more »
Newer Posts
Older Posts
Home
Subscribe to:
Posts (Atom)