發財好市

今天一早起身就梗係煎啲蘿蔔糕, 年糕, 芋頭糕食下啦

芋頭糕係買返嚟嘅, 唔係咁好食, 不過得我一個會食芋頭糕, 費事自己整~

嗰年糕外表好好滑溜, 唔錯唔錯～

九唔答八年初二

今日係年初二, 照慣例我一定會搵Mr M. 不過今年Mr M. 要休養, 所以我同大隻佬就自己搵節目。
大隻佬同我啲屋企人都喺香港, 得我哋兩個喺加拿大, 朋友們又各有家庭活動, 所以我哋都唔洗同任何人拜年, 亦即係等於無節目! /nobigdeal

我今日好想食件蛋糕, 飲杯咖啡, 所以就要求大隻佬同我去Thomas Haas 食下午茶.
其實我都好鬼怕嚟Thomas Haas, 因為呢間野實在大多人喇, 我最怕要排隊食野! 如果唔係好耐無嚟, 又想嚟食吓我哋以前成日食嗰幾款蛋糕, 都費事嚟同人迫~

不出所料, 啲人又係迫滿間舖 /sweat 

馬年第一天 - 年初一

今日雖然係年初一, 不過因為係星期五, 所以都要返工. 

不過又好彩係星期五, 所以年初二同三有假放～

我已經有好多年無返香港過新年, 希望明年有時間可以返香港過年, 感受下過年嘅氣氛~

今日放左工, 我哋去左Metrotown, 大隻佬要去Microsoft Store 退返個 bluetooth keyboard, 佢買嘅時候無check, 嗰個sales rep 比左個French keyboard佢, 激死佢 /wahaha

終於有機會見到而家勁hit嘅 3D printer

原來又印得幾快㗎喎, 不過我呢個多手怪好有衝動伸隻手入去摸下 /blush

農曆新年蒸糕Bell

啱啱過完聖誕節無幾耐又過農曆新年.

而家人大左就明白啲長輩講"眨吓眼又一年"係乜野意思.

呢排真係無停過係咁食,

年廿八我哋department去左The Keg食團年飯. 咁啱呢段時間做緊Dine Out, ＄38/person, 3 course meal, 仲有個cheese cake做甜品添, 樣樣都大大份真係非常低食~

悶蛋過生日

今日大隻佬正日生日, 究竟會做啲乜呢？

就係喺屋企攤係到, 乜都唔做喇！

大隻佬呢排實在太赲攰, 工作同讀書都已經佔用晒佢所有嘅時間, 所以佢今年嘅生日慶祝就係乜都唔做, 好好休息一下~

今日早餐係我上星期六整嘅蘿蔔糕, 要清左舊貨, 先可以再整新㗎嘛~

Happy Birthday to 大隻佬

1月26日係大隻佬嘅生日, 我本來諗住幫佢搞個birthday party, 不過佢呢段日子太忙, 佢想靜靜哋過生日喎... 咁所以我哋就諗住簡簡單單食餐飯算啦～

大隻佬1月24號星期五晚約左同事係公司玩Monopoly, 點知原來除左玩Monopoly仲係為左幫大隻佬慶祝生日!
估唔到佢哋成班麻甩佬都咁sweet /blush

忙到甩肺

今年將會係非常忙碌嘅一年, 公司今年有週年紀念, 所以除左平時嘅工作之外, 重會多左好多野做, 不過好彩嘅係我嘅工作會經常接觸到新野, 有挑戰性啲, 如果唔係我咁怕悶, 我諗我實頂唔順!

我由一月二號開工開始完全無停過, 晚晚都做到好鬼夜, 我平日唔食晚飯嘅習慣都要破例去食返餐慰勞下自己~