無啦啦又去左Outlet Shopping?!

今日我點都估唔到我哋無啦啦又會去 Seattle Premium Outlet shopping！ 事源係大隻佬喺 Amazon 買左啲禮物比我, 我哋要去 Blaine pick up 個郵包. 我琴晚半夜四點幾醒左, 到早上七點諗住瞓返既時候大隻佬就醒左, 話早早哋去 pick up 完個郵包就返屋企再瞓過~ 所以我哋咩都無預備, 我原全係素顏, 連sun screen 都無搽就出左去... /sweat

明明上網check話要等20分鐘咋嘛, 點知去到超長龍, 等左好鬼耐下, 我就趁機會瞓一陣, 到差唔多過border大隻佬就拍醒我

順利過border之後, 我哋去pick up個郵包先~
大隻佬驚我偷睇, 佢要我喺車等佢...

今日天氣唔多好, 個天好陰吓

美國啲油平咁多, 個個BC人都一定等到過左border入滿個油缸先走 /hmm

我哋等左咁耐先過左border, 而家就返屋企有啲唔低!!! 所以我哋近近哋又去左outlet行下, 睇下有無野啱~

揸多一個鐘終於到喇! 

Shopping 之前先去醫肚! 當然係近近哋嘅Tulalip casino buffet 啦~

我哋今日嚟得比平時早, 仲serve緊早餐~

食飽充滿力量可以去shopping! /wahaha

我自己行住先, 大隻佬要喺車瞓一陣, 跟住再會合我, 佢驚而家唔瞓一陣, 今晚無精神揸車返屋企. 我哋由一兩點行到五點幾六點就起程返屋企喇！

我哋去到border嗰到遇到個好鬼嚴嘅inspector, 問我哋攞晒receipt又開我哋車尾廂, 我哋諗住今次死梗! 實要打稅 /omg
不過好彩佢淨係話我哋下次要連個郵包嘅receipt都要帶埋過border就比我哋走!!!
YEAH!!!!!  /wahaha

今次唔係買左好多野, 我喺Kate Spade買左對鞋, 兩隻bangle 同個coin purse. 喺 Theory 買左兩件 blouse, 大隻佬喺 A&F 買左件外套同件tee, 再加埋個郵包~ /hmm

其實好多時outlet買野未必平好多, 不過Kate Spade outlet 啲野真係好鬼低㗎!!! 

返到屋企都八點幾, 我哋喺freezer搵左啲野焗嚟食, 因為晏晝嗰餐都未落隔...

瞓覺前梗係唔少得拆禮物環節啦!
今日到我先拆返琴日份禮物, 比我簡左新鮮熱辣啱啱係美國pick up嘅其中一樣野 - lip scrub~

大隻佬話網上啲review話呢隻lip scrub好好用㗎喎 /please

跟住到到大隻佬拆禮物喇～

佢收到 Christmas Edition M&M's 一包!

我諗佢想大嗌回水 /XD