是日休息半天

今日我要去 West Boardway 做 body check, 所以我兩點鐘就放工. 搞掂晒所有野大約四點到, 大隻佬又未放工, 我就自己喺街周圍蕩, 我行左入去 Shopper Drug Mart 打發下時間~


搞搞震左一輪, 我買左支指甲油就去左間Cafe買杯咖啡諗住坐到大隻佬放工為止. 

點知我一買完杯Hot Chocolate坐低, 個staff就同我講佢哋閂門喇 /shock

早知去Blenz啦, 啲Hot Chocolate又好飲啲, 我買左嗰杯超唔好飲, 無朱古力味嘅... 似飲奶多啲 /floor

 我拎住杯啱啱買嘅野飲, 都唔知去得邊嘅時候比我發現隔離就有Tim Hortons!!!
我見唔係咁多人, 我好衰咁走左入去, 搵個角坐低左... /sweat
我打左比Mr M傾左陣電話, 睇下佢點. 坐左陣, 我見有人汁檯就拿拿臨走左! 令比佢知, 莫比佢見呀嘛 /XD

我見都五點, 大隻佬差唔多收工, 所以我行左去Whole Foods買餸, 我要買啲Quinoa 溝米煮比大隻佬食, 等佢食得健康啲

花多眼亂, 隻隻都差唔多 /blur

下次要買呢隻返去試吓, 唔知會唔會好食啲呢~

六點半大隻佬就嚟接我, 我哋就出發去Christmas Market. 不過我哋去到嗰陣見到打晒蛇餅, 都係遲一兩日先再嚟...
為左平服我食唔到燒豬手嘅不滿, 大隻佬陪我去左 Sura食韓國野。

聖誕節真好, 周圍都好有氣氛~

Sura 門口個裝飾好有心思

我哋等左陣就有檯 ~

坐低左我哋就快快手叫野食, 我好肚餓呀!

Seafood Pancake

Galbi

Seafood Rice Cake

Samgyetang

食完成個人好暖呀 /please

我哋本來諗住去日本超市食crepe做甜品, 不過佢閂左門, 所以我哋去左隔離食 gelato~

花多眼亂, 我簡返我平時食開嘅味, Pistachio同Ferrero Rocher, 大隻佬簡左Tiramisu同Cookie n Cream~

我哋其實好鬼飽, 大隻佬一路食一路話好飽食唔晒, 我食淨三成已經放棄左, 點知大隻佬竟然食晒佢自己嗰杯仲幫我包底 /shock

佢就嚟變死肥仔喇 /XD