係呀! 呢個就喺我, 今日我生日呀~
我Boxing Day出世, 我Mammy話我越期居留成個星期, 佢聖誕節個日入院都要等到Boxing Day先生到我出嚟, 所以我細個嗰時成日都話自己差少少就趕得切做到耶穌喇!! /XD
自從嚟左加拿大之後, 我嘅生日就等於"大減價"!!!
Boxing Day Shopping永遠係我嘅生日節目之一, 今年亦唔例外~
我同大隻佬一早起身, 就九秒九出發去Metrotown BCBG 拎左我reserve左嗰兩件褸先, 跟住大隻佬話要去Vision買喇叭
佢密謀要換過屋企啲喇叭好耐, 今日趁boxing day sale佢話見到平好多喎, 前後兩set換過晒都係＄300咋喎, 咁又即管睇下啦~
一到Boxing Day Sale week, 啲電器舖就會張啲存貨show晒出嚟, 好似貨倉咁, 我真係好鬼怕, 好大塵, 我塊面, 對眼, 個鼻會好痕 /floor
去到Vision佢指比我睇佢想要個啲原來係stand alone speaker!
我梗係唔會比佢買兩支野棟喺個電視隔離啦!!!!
最重要嘅係個set平野啲聲好唔掂! 假假哋我Daddy以前喺大陸開喇叭廠㗎嘛! 我唔識啲techniqical野, 不過都識分邊啲喇叭聲靚嘅 /dignose
我哋左睇右睇, 左試右試, 睇左成個鐘有多, 終於買左set book shelf speaker 做前面對喇叭, 然後一對好迷你不過都幾powerful嘅做後面set喇叭, 細細哋用住先~
我唔想放咁多野喺間屋到, 我最怕間屋多野, 遲啲先再買set stand alone 放前面~
我哋睇到同系列個center speaker, 我叫佢買埋又話唔好, 話靜係買左set book shelf 用下先,
嘻嘻! 佢實會返轉頭買埋嘅, 我敢寫包單！
喺Vision兩個鐘終於搞掂, 可以番屋企放低啲野先～
我有我欣賞我嗰兩件新褸, 大隻佬有大隻佬欣賞佢嘅戰利品
歇一歇我哋中午去Richmond同Mr M.＆Miss D. 飲茶, 因為我話想飲茶.
今次去海港
我哋叫左好多野食, 我顧住食, 無乜形相~
啲野食okay, 不過最唔掂係呢個"鐘無艷"豬仔芝麻包!
啲油多到離晒譜, 啲皮又硬! 我哋最尾無食到, 要 cancel
下一個節日係陪 Mr M. & Miss D. 去 IKEA.
佢哋要買啲傢俬, 大隻佬負責做人人搬屋同勞工！
我哋去完IKEA, 就同Mr M.佢哋分頭行事, 佢哋返屋企先, 我同大隻佬去Lansdowne Future Shop 同 Best Buy.
我去到Lansdowne之後, 好慶幸大隻佬今朝話要睇嘅係 Vision, 唔係 Future Shop 同 Best Buy!呢兩間野好似打仗咁, 我哋快快手買左張SD card就走, 行左陣Landsdowne 就去左 Mr. M 新居.
我以前讀書嗰時都住過呢棟apartment, 而家又再嚟返真係勾起好多回憶 /blush
坐左陣就去左上海一只鼎食上海菜
睇下我件新褸個毛領幾厚~
大隻佬話見到好多女仔望我件褸 /blush
又係乜都想食, 叫到一檯都係
最失敗係唔記得上海菜用好多筍去煮, Mr M.唔食得
結果有好多專鄧叫比佢食嘅餸佢都無得食 /floor
食飽就返Mr M.屋企開始 IKEA Lego 時間!!
仲記得嗰時我同大隻佬搬出嚟, 全屋稼俬都喺IKEA買, 真係砌稼俬砌到怕!!! /sweat
大隻佬同Miss D.就好辛苦喺到砌稼俬, Mr M.同我喺到好嘆睇緊電視
呢張相命名為 <社會階層-財閥與勞動階級> /XD
砌好晒啲野之後, 我哋就切蛋糕喇～
今年大隻佬買返佢第一年同我慶祝生日時買比我嘅同款蛋糕比我, 士多啤梨忌廉蛋糕！One of my birthday classic～
我細個生日, 我Daddy Mammy年年都會買一個士多啤梨忌廉蛋糕同我慶祝, 所以我對呢款蛋糕有情意結～
我哋食完蛋糕就歸家去 /bye
返到屋企當我諗住大隻佬會攰到瞓低嘅時候佢鬼打都無咁精神喺到駁喇叭 /omg
時間係零晨1:32am ...
我哋差唔多整通宵, 結論係聽日去return set mini speaker, 然後買個 center speaker 返嚟!
我都話左遲早會返去買個 center speaker 㗎啦 /hmm
No comments:
Post a Comment