去食飯之前, 我同大隻佬要去Aberdeen Center 食啲野同買個external hard drive先~
都唔知做乜又搞咁鬼耐, 等到有啲唔耐煩!
食飽返到屋企, 我同大隻佬就影我哋嘅年度家庭合照!
影完就夠鐘倒數, ...5, 4, 3, 2, 1... Happy New Year!
咁又一年, 希望我哋每年都可以整整齊齊影我哋嘅年度家庭合照, 執子之手與子皆老.
今年嘅聖誕假期比之前清靜, 年年例牌嘅 Christmas & New Year party 今年都無搞, 因為大隻佬有個朋友有事要做, 所以要留喺美國過聖誕, 連鎖反應就佢哋個group大家今年各有各過聖誕～
我同大隻佬啲朋友大部份都已經回流返香港, 留返喺到嘅朋友一隻手都數得晒, 我哋又無家人喺到, 所以真係成日都兩個人, 不過好彩我哋都鍾意兩個人嘅自由, 所以無所謂啦 /nobigdeal
但係今年既聖誕新年假期除左清靜之外, 仲有擔心.
喺十二月頭嘅某一日, 我打比Mr M.叫佢嚟我屋企攞佢份聖誕禮物, 點知原來佢啱啱喺診所行出嚟, 檢驗報告顯示重未30歲嘅佢有cancer!
晴天霹靂, 我係第一個知嘅人. 跟住落嚟嘅係一係列佢要喺一月三號手術之前要安排嘅野. Mr M. 唔只係我最好嘅朋友, 仲係我家人.
喺呢個時候, 任何野都唔再重要, 我只希望身邊嘅人個個身體健康, 一家人整整齊齊!
No comments:
Post a Comment