今日係2013年最後一個工作天, 返埋今日工, 我就放假放到一月二號先再返工, 真係holiday mood到爆!
由於大隻佬都係返埋今日就放假到12月30號先再返工, 所以我琴晚整左個 chocolate cake 比佢拎返工請同事食, 佢哋公司好興咁樣請大家食野, 聖誕前最後一個工作日就梗係要食返件蛋糕慶祝下啦... (可能係我自己鍾意食蛋糕先咁講... /XD)
半夜時份又落雪, 今次仲落得幾大吓, 如果等下星期聖誕節先落就好啦...
我想要White Christmas /floor
我同大隻佬早早出門返工, 怕塞車, Vancouver政府應付落雪嘅措施好鬼差, 唔夠剷雪車剷雪, 我以前住Edmonton嗰時, 落超大雪條路都無咁差... 不過好彩今日比預期中好喎!
通常放假之前嗰日都係忙到七彩, 我今日仲同老細開左全日會, 不過我老細好好人, 次次我year end放假之前嗰日佢都約我食lunch, 仲請埋我添~
今日都唔例外, 我哋去左 Campagnolo.
呢個pizza正啊! 睇到相都想再食~
放左工, 大隻佬同我去左Christmas Market
我想去好耐, 今日一定要嚟, 因為Christmas Eve係last day, 再唔去就要等下一年喇~
一入場先整返杯mulled wine, 飲完暖笠笠 /please
呢個German version 既 Ham & Cheese pasta又喺幾好味, 因為有超多 cheese!
去呢啲庭到搵個位趁熱食~
食完行下啲唔同嘅檔, 又比我哋搵到好野食~
呢個用火爐烤嘅 flatbread 好得大隻佬歡心, 因為燒到好脆, 夠香口, 啱晒佢胃口
今日有啲凍, 又因為落左雪周圍滴晒水, 滴到我同大隻佬有啲無心機影相,我哋快快行完買左隻燒豬手就走!
我哋去完Christmas Market就去左Granville St., 我要去整啲野先去食飯
點知大隻佬話佢頭先已經喺Christmas Market 食飽左! 橫掂我喺Christmas Market買左隻鹹豬手, 咁就一於返屋企啦~
我自己一個人食晒隻豬手!
仲煮左個即食cream of mushroom~
金寶湯飲得多, 呢隻第一次試, 自己加啲新鮮蘑菇～
我聽日放假第一日做乜好呢?! /hmm
No comments:
Post a Comment