2013年放假前最後一個星期五倒數

今個星期過得好快, 因為我星期二同星期三放左病假, 休息左兩日, 雖然我都仲係好似病病哋咁, 不過起碼恢復返七成energy. 我返工返埋下個星期就放大假, 到一月二號先返工, 我諗我到放完假之前都會係處於雲遊狀態, 真係無mood做野, 我要放假!!! /floor 
同埋我呢個假期有個任務, 希望一切順利 /please

今日星期五放工大隻佬接左我之後, 我哋去左 Holt Renfrew, 因為我抵擋唔住 Holt Renfrew 個 special sale 嘅誘惑, 所以又諗住去進貢... 不過而家嘅Holt Renfrew 已經比好多新移民買起晒所有野咁, 啲野亂七八漕, 見到都無心機買, 所以我今次逃離一劫. 慳返去美國先買 /hmm

我行完一輪大隻佬叫肚餓, 所以我哋去搵野食~
大隻佬話想食鬼佬野因為我哋都好耐無食西餐. 

今次試下Chewies, 聽左有呢間餐廳好耐, 今日終於決定嚟試吓 /hmm
間餐廳細細間, 不過都坐得幾舒服~

我哋好快點左兩個 appetizer同兩個entrée, 跟住就等食 /please

好快有得食!

 一打生蠔 同 Garlic and White Wine Steamed Mussel

Entrée 叫左 Southern Fried Chicken 同 Seafood Pan Roast

個 Southern Fried Chicken 係個server 推薦嘅, 大隻佬話我做咩又食炸雞?!

咁人哋都話係 best seller 咁我又唔知食咩好, 咪試下囉 /dignose

點知真係非常有驚喜!! 我未試過食到咁滑嘅炸雞胸㗎!!  我估佢應該用奶浸過啲雞先炸, 因為我食到雞肉有奶香味~

食飽飽我哋就返屋企. 返到屋企我哋睇下電視, 食埋琴日外賣嘅糖水, 飽晒!!