大隻佬同我啲屋企人都喺香港, 得我哋兩個喺加拿大, 朋友們又各有家庭活動, 所以我哋都唔洗同任何人拜年, 亦即係等於無節目! /nobigdeal
我今日好想食件蛋糕, 飲杯咖啡, 所以就要求大隻佬同我去Thomas Haas 食下午茶.
其實我都好鬼怕嚟Thomas Haas, 因為呢間野實在大多人喇, 我最怕要排隊食野! 如果唔係好耐無嚟, 又想嚟食吓我哋以前成日食嗰幾款蛋糕, 都費事嚟同人迫~
不出所料, 啲人又係迫滿間舖 /sweat
買左少少喺到食, 再買幾件蛋糕返屋企慢慢嘆~
食完下午茶, 喺附近周圍行下, 跟住又夠鐘食晚飯
今日無訂檯實唔洗旨意食中菜, 所以我哋去左食墨西哥野!
Taco 係我其中一樣好鬼鐘意食嘅菜色之一, 酸酸辣辣好開胃!不過呢間墨西哥餐廳又係好受歡迎, 所以都係難逃等位嘅命運 /blur
呢杯係我嘅, 大隻佬要揸車, 無得飲 /XD
我好鬼鍾意望住廚房睇下佢哋點整啲餸菜, 仲有乾唔乾淨!
等左陣終於有得食!
正! 三兩下手勢就比我食晒
再嚟個churros做甜品就啱啱好~
食完個九唔答八開年飯, 我哋去T&T買啲餸聽日喺屋企煮我哋自己屋企嘅開年飯
臨返屋企前我又去左Shopper Drug Mart上倉, 買左啲護膚品, 咁又唔見幾百...
女人錢真好賺 /sweat
返到屋企, 再嚟嗰甜品second round, 睇下電視, 咁又一日~
新一年我都定左啲目標比自己, 少不了唔同嘅祝賀說話,
賺多啲! 升官發財! 食極唔肥! 青春常駐! 笑口常開! ...
不過最希望都係大家都身體健康!
No comments:
Post a Comment