發財好市

今天一早起身就梗係煎啲蘿蔔糕, 年糕, 芋頭糕食下啦

芋頭糕係買返嚟嘅, 唔係咁好食, 不過得我一個會食芋頭糕, 費事自己整~

嗰年糕外表好好滑溜, 唔錯唔錯～

煎好食得！

自己整, 真材實料一定好食~
好快大隻佬就同我清晒啲糕.
大家食飽又各自做自己野, 大隻佬入房工作, 我就喺廚房準備晚餐。
今晚嘅主菜係"發菜蠔豉炆冬菇"!

大隻佬話好耐無食過, 好想食, 咁我又點會托手踭呢！
前一晚做好啲準備功夫, 今日再煮, 不過我整嘅係已經簡化左啲嘅版本, 不過都好鬼多步驟, 喺廚房整左一輪, 終於完成~


今晚我哋屋企嘅開年飯有...
發菜蠔豉炆冬菇, 沙茶肥牛粉絲, 蒜蓉白菜仔, 同木瓜雪耳雞腳豬骨湯!

發菜蠔豉炆冬菇我用左西蘭花伴碟, 有啲綠色賣相靚啲 

食飽飯梗係唔少得飯後甜品啦~

P.S. 啲相嘅朦查查唔係特別效果, 係因為我唔發覺自己印左個手指模係嗰鏡頭度... /blur