今日星期日繼續我今個weekend無所事事嘅作風, 係屋企hea~
大隻佬今朝先返, 都唔洗旨意佢會早過中午起身, 我今日都係自己顧自己㗎喇 /nobigdeal
我起左身就即刻開工整我每個星期一次嘅baking, 今次整 Apple Strudel Muffin.
我本來諗住整 Blueberry Muffin, 不過大隻佬落order話要食 Apple Muffin, 咁好啦, 一於整 Apple Strudel Muffin!
我始終都搣唔甩我嘅free style作風, 人哋食譜話要white sugar, 我就是但落brown sugar... /sweat
真係是是但但, 求求其其...
所以, 我嗰製成品又變左黑面神, 同人哋嗰啲白雪雪差好遠... 有待改進
不過好彩都幾好食 /hmm
清潔完, hea左陣, 同大隻佬辯論左幾句連早餐都費是煮, 求其reheat嗰日係金邊剩低嘅乾撈同湯做brunch, 叫佢食自己啦!!!
食飽飽, 我就灘喺梳化睇電視, 睇睇下好快就瞓左... 到起身嗰時已經係七點幾, 大隻佬走嚟氹返我, 不過我都係會罷工一天以示不滿!!!
結果我哋去左Nando買雞食~ 我哋有一排無食過Nando, 之前有一排食得太密, 食厭左.
其實我鍾意佢啲雞㗎, 燒得好juicy, 啲Peri Peri Fries 又好味 /please
我地買左一隻雞, 十隻wings, 同一個大嘅 Peri Peri Fries, 跟住用極速返屋企開餐！
食飽想食糖水, 不過又懶得煮, 呢個時候就到日清美味寶出場～
我屋企總有一兩盒以備不時之需! 今晚食喳咋～
我下個weekend一定要出吓去, 行吓 /bye
Munchkin:
ReplyDelete~你好勤力呀!! 唔洗出街, 都整啲小蛋糕!! 比我真係純休息!! 好攰!!
~其實,我鐘意食雞, 但我由多倫多到而家都未食過Nando,經就經好多次, 真係"的"下個心去食下!! 外賣都好!!
~啲糖水, 係邊樹買??係T&T有無!! 咁樣有糖水食,好方便