Christmas Shopping 開始

仲有差唔多一個月就聖誕節, 周圍都好有節日氣氛, 我都好有 holiday mood, 特別 holiday  shopping 嘅 mood!  平時都已經成日買野, 而家直情一出街就買到一袋二袋, 我怕未到聖誕我已經用晒我啲彈藥... /sweat

今日喺Holt Renfrew Laura Mercier 有個化妝 event, 試新產品, 我book左五點鐘, 諗住自己早少少喺公司走, 自己去先, 大隻佬放工先嚟接返我, 唔洗佢等我咁耐~ 
仲有另一個原因就係我想自己行下, 買定份聖誕禮物比佢 /please

我喺Holt Renfrew同Pacific Center行完一輪都無乜大收穫, 淨係喺 Laura Mercier 買左少少 foundation, concealer比自己, 同買左條皮帶比大隻佬.

跟住七點鐘咁上下, 大隻佬接左我, 首先要去 Purolator pick up 部PS4, 跟住我哋去Coquitlam Ikea, 要買個新嘅 footstool cover, 同想睇下有無聖誕燈用嚟裝飾下廳個窗. 

買完野離開Ikea嗰時都已經九點, 我哋諗住近近哋係 North Road 買啲外賣返屋企慢慢嘆～我提議去買韓國炸雞, 我又好掛住嗰啲炸雞辣醬, 再配 Dominos BBQ Chicken Pizza, 一次滿足晒我兩個願望 /wahaha

點知係我哋pick up晒所有外賣諗住返屋企嘅時候, 大隻佬偷雞喺條街道 U turn, 仲要比後面突然出現嘅差佬睇到!!! /omg
咁就無啦啦食左張牛肉乾喇... $167 !!! 未食飯都飽晒... /no

返到屋企啲野食都凍晒, 叮熱佢嗱嗱臨開餐~

有人已經忍唔住, 食左塊喇...

今日買左嘅野~

我嘅~ 
買滿 $150, 送gift set, 嗰化妝袋仔幾啱用 /hmm
下個星期仲要 pick up 枝 primer, out of stock 要order.

大隻佬嘅~

本來諗住收埋條皮帶, 放喺聖誕樹底, 不過我又驚大隻佬唔啱用喎, 所以我最尾都係比條皮帶佢睇, 點知條皮帶個size唔啱嘅!!! /omg
個Sales比錯size我??!! 佢仲話無晒size, 呢條係 last one... 
Argh!!! 聽日又要去return!!! /blur

原先plan好左今晚砌好個聖誕樹, 不過實在太眼瞓, 聽日先再整啦, 無野重要過瞓返覺好嘅~