星期一至五小記

今個星期我又係 short week喇! 因為我星期一起身發覺個背脊都仲係唔太舒服, 所以我都係休息多一日, 費是返一日, 又要請假 /sweat
咁又可以快啲到weekend喇！
唔知做乜, 今個星期做野好似成日心不在然, 可能因為我今個星期有好多時候出左去做野, 返一返公司又再出去, 所以好似專心唔到, 下個星期應該會好啲!

經過四日嘅休息, 星期二返到公司覺得好多野做好煩, 好想買野, 橫掂我今年未買 boot, 咁就不如去買對boot獎勵下自己啦! /hmm
我一早就打去 Tory Burch, 叫佢哋留定一對我online見到嘅 boot比我, 諗住放工去試. 經我苦苦嘅哀求之下, 大隻佬好好人事咁早左少少放工, 等我可以自己shopping下.

我試左一輪, 最尾都淨係買左對 boot, 大隻佬仲話以為我買左好多, 搞咁耐~ /sweat
不過我已經留定另一對鞋, 叫佢一返貨就call我! 大隻佬一知道我留嗰對係高跟鞋就即刻話嗰對佢送比我喎, 佢最鍾意我著高跟鞋 /blush

跟住連續好忙嘅幾日, 又要出去seminar, 終於挨到星期五, 可以chill out下. 
中午嗰時同老細去左 Pacific Center 嘅 food court食 Taco Time. 我哋有一次講開原來我哋都好鐘意食 Mexi Fries Deluxe, 我哋已經講左幾次話要搵日去食, 結果我哋今日開完會就出左去食喇～ 

食完我哋仲食埋 Purdy's ice-cream bar, 正!!! 完美嘅 Friday lunch~

星期五晚放工, 大隻佬接左我, 我哋就去左 Oakridge Center. 我要去 Crate and Barrel pick up 我個 Staub Pumpkin Cocotte~
我喺 Vancouver 搵極都搵唔到現貨, 我又唔想 pre-order, 點知比我係呢道搵到! yay~ 雖然佢哋搵比我嘅第二個煲都有少少瑕疵, 不過我唔等喇!!! 是但啦!!!  
我今個 weekend 煮乜好呢～ /wahaha

跟住我懷住愉快嘅心情食飯去~ 通常我哋嚟開呢邊, 而我哋又唔知食乜好嘅話, 大隻佬一定會話去高柏.

雖然我想食萬巒豬腳多啲, 不過今日就下佢啦~ /nobigdeal
不過當我哋喺高柏坐低左, 佢知道我其實想食豬腳多啲, 佢竟然話要即刻去格離買比我夜啲食喎... 不過我係咁話唔好, 等我哋食完飯再睇下點先算~


我本來想食鐵板餐, 不過都係算啦, 我order左白汁莧菜焗魚柳意粉, 大隻佬order左佢嘅最愛, 葡國雞焗飯. 

食飽之後, 大隻佬為左氹我開心, 佢真係走左去想買萬巒豬腳比我, 點知間舖頭係 cash only, 佢又話即刻去攞錢買比我, 我係咁話算啦, 出邊又咁大雨, 我唔食喇, 我而家食飽想食甜品多啲， 佢先 give up 咋 /blur

雖然佢有時會激到我好嬲, 不過佢有好多時都好錫我, 連 Mr M. 都話睇得出佢好鬼錫我 /blush