唔知自己做過乜嘅 Weekend - Day 1

呢個weekend好似無乜做過野就過左, I want my weekend back!!!

唉... 唔緊要啦, 好快又到weekend㗎啦 /nobigdeal

我本來想今日星期六去North Vancouver 行下, 又可以去埋Park Royal, 不過我哋今日太晏出去，兼且我有啲工作要做, 要去Vancouver同Richmond睇啲野, 所以去唔成. 唔緊要, 下個weeekend先去～

我完成我嘅工作之後, 我哋去左麗都食下午茶, 叫左個茶餐.
沙嗲牛肉公仔麵拼火腿omelette, 餐包改菠蘿包, 飲熱奶茶.

大隻佬超肚餓, 佢想叫碟飯, 比我禁止佢叫! 而家四點幾食完碟飯今晚唔洗食啦?!!
我哋太肚餓, 啲野食一嚟到就比我哋掃晒... 我哋前後喺麗都入面只不過係半個鐘, 可想然知我哋食得幾鬼快!!! /sweat

大隻佬想去Future Shop 睇下laptop

琴日睇完, 今日又睇...

一個手寫function有咁大魔力令一個Mac人轉去Windows?!! 我同佢講我哋輸賭, 我買佢會後悔!!! /wahaha

跟住我哋過隔離Home Outfitter 睇一睇,  我要show比大隻佬睇下我想要嗰部stand mixer, 我驚佢會懶驚喜咁買錯... 雖然我知佢呢個悶蛋唔會搞驚喜 /dignose

因為仲未夠鐘食晚飯, 所以去 Richmodn Center 行一陣

咦！ 聖誕老人同佢啲 little helper 放工喎~

如果我係阿媽見到咁都唔知點同個仔解釋?!!
同佢講聖誕佬人都跟勞工條例每日淨係會做八個鐘?!! 我成日諗埋晒啲無聊野 /XD

跟住大隻佬又比Sony Store吸左入去... /sweat
我勸佢等埋Black Friday先, 或者有special呢～

我哋去完Sony Store嗰mall就閂門, 咁唯有去埋Aberdeen Center啦～ 橫掂我都想去Daiso

買左啲盒, 冬天襪同我最鍾意用嘅洗碗海綿, 我要啲盒汁好我個櫃入面啲 baking ingredients

我哋今晚約左 Mr. M 食晚飯, 我哋簡簡單單去左金豪, 叫左兩客海南雞飯同生炒糯米飯share. 
又係太肚餓, 無影相... /sweat

食飽我哋齊齊去左 Pricesmart 買餸, 我同Mr M一路行一路傾, 行左好鬼耐, 買完餸大家各自歸家去~

我仲未簡啱嘅薑餅屋竟然比我喺Pricesmart見到個鍾意既～
Ta Da~ 就係Spongebob嘅薑餅菠蘿屋!!!

我好鍾意Spongebob㗎, 不過而家費事比人見到我同細路爭玩具咋嘛... /XD

大隻佬今晚有節目, 佢車左我返屋企就出左去, 到第二朝先返, 我唔理佢, 一於大覺瞓!