為食鬼係煮婦系列 - 第二回

星期日, 休息日。

我同大隻佬本來諗住今天搵啲野做, 出去行下，點知大隻佬琴晚成晚故住打機, 朝早先瞓, 都唔洗指意佢會早起, 所以今日都係喺屋企hea下算喇～

我呢排突然引起, 想挑戰下整蛋糕曲奇! 我好少整呢啲糕點類嘅野, 一年都未必有一次... 因為我好怕整野要量份量, 我一向煮野都係free style嘅 /wahaha

今次小試牛刀, 整最classic嘅 Banana Chocolate Muffin 先 ~
我中午起身體就拿拿臨開工, 諗住大隻佬一起身就有得食.

開始個時都好地地, 點知整整下我個 free style 作風又嚟料... 我開始亂咁嚟 /blur 
好彩我突然醒悟要跟食譜咋 /sweat
不過我都係出左少少錯... 我唔記得落 chocolate chips 呀!!! 一要量野同見到數字, 我就好似打左懵仔針咁, 乜都唔記得...

本來我已經覺得怪怪地, 諗左陣好似少左啲野, 不過都仲未發覺, 到放左入爐焗到一半先突然醒起!!! 不過已經太遲喇。。。/floor

所以製成品變左 banana muffin~ 好彩味道無問題, 大隻佬仲話好好味添!
我都覺得好味過我以前整嗰啲, 唔知係咪因為個新食譜呢?!

搞掂嗰muffin之後我就開始準備今晚嘅晚餐. 大隻佬特別要求要食蘿蔔燜牛腩. 呢排啲蘿蔔好靚呀! 我琴晚喺 Pricesmart 買左牛坑腩同超大條蘿蔔, 煲蘿蔔燜牛腩肯定勁正 ~

預備好晒晚餐之後歇一歇, 突然間好想食韓國炸雞, 大隻佬又要出去買 car insurance, 咁我就一於落order要佢去 North Road 買盒比我做下午茶 /hmm

我好鍾意韓國炸雞上面甜甜辣辣嘅醬, arm晒我胃口~

八點半, 開飯喇～

個蘿蔔燜牛腩超正, 牛腩燜到勁淋! 最尾我落左蘿蔔攪幾攪, 有啲牛腩直程散左... 我下次要早少少落蘿蔔, 今次故住瞓晏覺唔鬼記得左... /sweat

仲炒左碟鮑貝炒上海菜, arm哂大隻佬胃口~

食完飯, 食多碗琴晚煲落嘅芋頭椰汁西米露, 飽晒!

後記: 大隻佬帶左啲muffin返工請人食, 大家好捧場, 清晒, 仲話好好味, 叫我Christmas整多啲cookies喎~ /please

真假都好, 總之係讚我嘅呢, 我都會照單全收 /wahaha