食肉獸的一週晚餐

大隻佬係一個名副其實嘅食肉獸, 佢可以淨係食肉, 一條菜都唔食, 次次都係我夾到埋碗先至食少少, 佢會反抗話"我嗰日咪食左囉?!!" 佢講嘅"嗰日"其實可能係指幾日前... /blur
佢唯一鍾意嘅菜係豆苗同紹菜, 仲要係用超多油炒嗰種!!! 有時真係無佢符 /nobigdeal
我要記低佢呢啲不良嘅飲食習慣，遲啲比返佢自己睇!!! /XD

[星期一]
我哋十點先離開公司, 去左尖's小廚打冷~

蜜汁骨, 椒鹽雞膝, 蠔餅同埋蒜蓉豆苗
因為有佢至愛嘅蒜蓉豆苗, 所以唔洗叫都自己乖乖食晒碟菜~ 

[星期二]
要消滅左星期日晚韓燒剩低嘅肉, 所以我就煮左韓式辣醬炒雞柳, 啱晒佢口味~
勁多洋蔥, 蒜頭同蔥, 一條菜都無, 好快就成碟清晒, 仲要添飯添! 

[星期三]
琴晚無食菜, 今晚一定要煮啲菜比大隻佬食, 放工放得遲, 屋企有乜就煮乜.
打開冰格見都有啲日清拉麵同韓國扁餃子, 仲有啲生菜, 咁就一於煮呢三樣啦 /hmm

我又煎到啲餃子變黑面神...
驚大隻佬唔夠飽, 嗰碗入面係有兩嗰麵嘅份量!
食飯前...

食飯後...

我以為佢實食唔晒啲麵同餃子, 點知食晒所有野, 淨低啲菜!
啲菜係無食過咁濟, 係咁以食左一兩條... /sweat

[星期四]
又係剩餘物資晚餐, 今晚係黑椒牛肉, 勁多洋蔥, 蒜頭同蔥, 又係一條菜都無, 啱晒大隻佬啲口味, 又係好快就成碟清晒仲要添飯~

睇嚟我要餐餐都煮豆苗或者同紹菜至得喇 /blur