起身諗住沖涼換衫出去, 點知沖沖下涼頭暈, 真係feel到要暈低係浴缸嗰隻, 我驚會撞死自己, 即刻嗱嗱臨沖乾淨衝出洗手間, 叫醒大隻佬, 嚇鬼死佢, 佢以為我唔知做乜, 所以我地最尾搞左好耐先出門口, 成4點先出發...
第一站去左 Air Care 先, 今次完全無 line up, 前後十五分鐘搞掂!
跟住去左 Bed Bath and Beyond, 我想搵啲層架整理好我個廚櫃. 周圍都搵唔到嗰啲層架, 諗住撞下彩睇下呢到有無啦, 點知佢又有得賣喎~
太好啦, 個櫃即刻整齊晒 /please
我哋行完一輪都已經五點幾, 有啲肚餓, 諗住搵啲野食先, 大隻佬見我唔係咁舒服又頭痛, 所以就提議食粥. 不過食粥又點少得牛脷酥呢～ 結果我哋又係去左 Richmond /XD
去得到 Richmond, 我又想行下 Daiso, 咁就不如去左 Aberdeen Center 先去食野啦~
去 Daiso之前我仲順手去埋糖果天地買啲零食refill屋企個零食櫃。跟住我地就去左老油條食粥喇~
我哋好鬼肚餓, 叫左好多野~
牛脷酥, 皮蛋瘦肉粥, 炸雲吞, 炒麵, 仲有我忘記左影相嘅鹹肉粽!!!
不過最驚人嘅係我哋食得晒!!! /blur
之後例牌去左Pricesmart買餸, 之後就返屋企煮糖水. 今晚我要幫我個南瓜煲剪彩 /wahaha
大隻佬至愛嘅糖水 - <椰汁西米露>, 今次我加左芋頭! 食完個胃暖粒粒, 舒服晒~
食飽再煲埋個茶樹菇海底椰湯, 收工 /bye
munchkin:
ReplyDelete~其實,我同我另一半,都係大食怪!! 比我哋叫牛脷酥, 皮蛋瘦肉粥, 炸雲吞, 炒麵,+鹹肉粽都會清得晒!!
~原來個南瓜煲用黎整甜品!!
~仲煲埋湯!!! 你這個秋天好滋潤
~我哋可能會好 arm key 喎 ^^ 我同大隻佬都好大食下, 大隻佬好刷得㗎, 佢一個人食晒隻鹹肉粽, 再清埋其他野。。。我係格離幫佢打氣 ~ 加油努力, 加油努力... 哈哈哈^^
Delete~我因為太想用個煲， 所以我點都要煲啲野
~呢排好乾，喉嚨好"確", 要滋潤下~