聖誕節 - 火速準備中

今日星期日我, 同大隻佬好少何咁出左去, 因為我哋要去添啲聖誕裝飾, 同買餸準備今晚嘅韓燒晚餐~

整韓燒就梗係去韓國超市買材料啦, 近近哋去North Road嗰間H-Mart, 附近仲有Ikea, 可以去return返星期五晚買左唔襯我哋嗰廳嘅燈飾兼且簡過第二款.

晏晝出去先搵啲野食醫肚先. 我哋靈機一觸, 想勉懷下以前讀書時嘅回憶, 所以我哋去左Lougheed Mall. 自從畢業之後都無嚟過呢到food court食野, 可能讀書嗰時食到驚左... /XD

我order哋order左嗰 Pad Thai 同 Terriyaki Chicken Rice, 快快手食完就去左 Walmart, 諗住睇下有無啱我哋心水嘅野, 不過乜都簡唔啱, 淨係買左啲日用品, 特別係我每年都會補給既聖誕版Ziploc盒~

買嗰時無check, 我返到屋企拆開諗住洗嘅時候先發現嗰細盒一set應該有三嗰盒加蓋, 點知我呢set竟然少左隻蓋！！!


今嗰weekend有啲諸事不順嘅感覺, 又食兩張牛肉乾, 買條皮帶又比錯size, 而家連買set盒都少左隻蓋... Argh!!! /floor


去完Walmart, 我哋要去Ikea return返前日喺Ikea買嘅聖誕燈, 然後買過set唔同嘅. 
星期日嘅Ikea幾多人, 特別係賣聖誕裝飾嘅section, 價錢實惠又可以年年新款, 實多人去啦~

我哋喺return section等左五十個number... /sweat

搞掂晒啲野就去左H-Mart買今晚韓燒嘅材料, 跟住速速歸家去～

今晚食韓燒， 所以買左啲牛肉，雞肉同五花腩

仲整個湯, 濕濕哋無咁乾無咁熱氣呀嘛~

買左pack醬汁包, 我估應該係大醬湯, 加啲瓜, 菇同豆腐, 搞掂!

  

我哋太遲食lunch, 所以諗住今晚遲啲先食飯, 我見晚餐啲材料既然準備好, 趁有時間咁我就焗Shortbread cookie啦~ 

我要練習定, 咁聖誕嗰時可以整嚟送比人吖嘛 /hmm

Texture唔錯, 極之鬆化, 簡直係 "Melt in your mouth"! 不過我用錯左牛油, 我諗住用左屋企嗰啲salted butter先, 點知就搞到啲cookie有啲啲帶鹹... /floor

不過都好好味呀！Shortbread cookie係guilty pleasure, 超肥, 唔可以成日整, 唔係會肥死!!!

焗好啲cookie就開飯喇～ 

食肉獸至愛!!! 

個湯都okay~

食燒肉又點少得燒酒呢, 聽日要返工, 唔可以飲咁多, 唔係我自己一個起碼都要飲一支!!

睇見都流口水... 我哋幾時再韓燒多次?!!  /please

食完晚餐又點少得甜品呢～ 

今要食啲雪糕解下韓燒嘅熱氣

明天又要返工同我張枱啲文件大戰!! 

下個weekend做乜好呢 /hmm