Halloween

我同大隻佬係喺 Halloween 前少少嘅時候認識嘅, 我哋認識左大家嘅第一個 Halloween, 我哋嗰時仲未一切. Halloween前幾日我哋同成班friend去dance, 正日嗰日我哋放學一切去左睇戲, 跟住就去左晚飯, 仲去放煙花添~ 所以Halloween對於我哋嚟講有好特別嘅意義.

今年已經係我哋嘅第唔知幾多個 Halloween, 今年我因為要去seminar, 早左完成, 所以我自己返屋企先, 係屋企換定衫等大隻佬放工. 大隻佬返屋企接左我之後, 我哋就出發去食晚飯. 我哋本來諗住去downtown, 點知我特然諗起何源記嘅荷香龍蝦糯米煲. 呢排我又鬼咁想食糯米飯喎, 大隻佬又好鍾意食龍蝦嘅, 大隻佬就梗係贊成我嘅提議啦!

我哋今次叫左手撕雞, 荷香龍蝦糯米煲同蒜蓉介蘭, 我哋都有起碼兩年無嚟過喇~ 啲水準都還keep到嘅.

我哋食完野, 周圍去睇下人哋放煙花, 我得個電話, 淨係影到少少咋...

而家得我哋兩條友, 我哋都好耐無放過煙花, 對上一次已經係好幾年前, 同大隻佬啲friend 一切玩, 或者下年啦, 下年plan下有乜做, 唔洗兩條友咁dry~  

回家途中, 我哋去左Dairy Queen 買雪糕, 大隻佬食dip cone, 我食 Peanut Buster Parfait, 好滿足呀!