一起身都已經係晏晝, 我哋是但 reheat 返琴晚啲 left over 做 lunch.
然後我哋就攤左喺梳化煲劇. 我本來諗住是但開集 "巨輪" 睇下, 點之套劇又Okay喎, 比我想像中好睇, 特別喺講阿信同倀雞英段感情, 大家一齊奮鬥, 互相扶持, 所有野嚟得自然, 比好多講到男女主角好完美嘅劇好睇, 我哋一睇睇左十五集!!! /sweat
夜晚八點幾, 大隻佬無啦啦話有啲頭痛, 要瞓一陣, 一瞓就瞓到十一點, 咁佢瞓醒就出去尖士小廚食宵夜打冷喇!
呢間啲野食都唔錯, 我同大隻佬次次想打冷都會嚟呢到, 好食過 Richmond 嗰啲, 仲有糖水送添!
呢到一夜左就會喺電視播歌, 有啲熟客會唱K添, 情況有啲搞笑, 好似九十年代未有獨立房唱K, 啲人喺啲廳唱咁, 不過好彩都唔會好噪.
食食下仲有合唱歌嘅經典, "相思風雨中"
難解百般愁相知愛義濃(女)
情海變蒼茫痴心遇冷風(男)
分飛各天涯他朝可會相逢(女)
蕭蕭風聲淒泣暴雨中(男)......
我亞媽同我啲亞姨以前成日唱呢首, 直情唱爆咪 /XD
搞到我都好想唱 K, 好耐無唱過喇... /floor
Munchkin Chan:
ReplyDelete~一連睇咗你幾篇blog, 我覺你和大隻佬生活的好舒服. 兩個人生活, 真是幾隨意都得. 看飽電視, 就出街找地方食. 真是兩個生活,先至可以如此寫意. 沒有束縛
~依間打冷係邊??幾特別. 想試!! 有無地址呀!! 唔該
哈哈, 係呀, 我個人好鍾意獨立自由, 我好怕家庭嘅束縛, 所以我選擇一個人喺加拿大, 大隻佬都係, 而家同大隻佬兩個人都幾好吖, 鐘意做乜就做乜, 想去邊道就邊道, 無乜顧慮 ^^
Delete間打冷叫 "尖's 小廚", 2683 Hastings Street E, Vancouver
啲野食都㗎, 有做午市同晚市, 如果我無記錯, 好似開到 2:00am