去Richmond飲茶

我哋都有一排無去飲茶，我好想食鹹水角同鳯爪呀! 所以我同大隻佬就決定今日去飲茶喇. 起身嗰時都已經係中午十二點, 嗱嗱臨梳洗換衫出發！

通常我哋都會去海港或者玉庭軒, 不過我哋今日去到Richmond都兩點喇, 所以我哋去左好耐無去嘅龍景軒。

我見Mr M. 差唔多時間放工, 實要食野, 佢女朋友, Miss D.又要剝智慧齒, 唔得閒理佢, 所以我就叫埋佢喇, 我哋又可以傾下計, 一舉兩得。 

我哋一坐低就落 order, 叫左九碟, 其中一樣仲要喺炒伊麵添!!! 

我哋好肚餓啊!!! Mr M. 又未黎到, 我哋喺到發哞哣...

啲野食一到我哋就狂風掃落葉, 極速食晒啲野, 我一張相都無影過。。。/sweat

Mr M. 仲送左隻雞同棵小植物幼苗比我, 大左啲葉會好大㗎喎, 放屋企風水好喎... 
哈哈... 真係頂佢唔順  /XD

食完之後, Mr M. 就返屋企照顧 Miss D. 我同大隻佬又去左 Costco. 

星期六嘅Costco好多人啊!! 不過我要去買 fitted sheet, 我前日買溜左, 無計~ /nobigdeal

不過去到先發現上次我見到quality幾好嗰隻可能已經無賣lu /floor 

我哋咩都無買就走左, 去左 Richmond Center 行下. 

我喺 Bluenote 買左條睡褲, 好保暖, 又軟淋淋, 最arm冬天屋企著! 個pattern幾得意, 不過大隻佬話個色好燦眼喎...哈哈...

我唔會理佢㗎, 又唔係買比佢著!!! /nobigdeal

今日飲茶食得太飽, 所以我哋諗住夜晚食得簡單啲, 橫掂屋企大把野食, 我哋去Pricesmart買完餸就返屋企啦~ /bye

我哋今晚嘅晚餐係前日喺Costco買嘅 Lobster and Shrimp Penne 同 Mussels. 我快快手煮左個白酒煮青口, 同焗返熱個penne就開得飯啦! 又平, 又好味 /blush

食完飯, 我就預備定聽日嘅晚餐, 順手煲左個水鴨黨篸淮山龍眼肉蜜棗湯, 同蕃薯糖水.

食返個暖胃嘅蕃薯糖水休息下, 完滿嘅一天~ /hmm