我個背脊好痛呀!!!

經過星期三晚, 企左兩個半鐘同琴日又係好勞累嘅一日之後, 我今日終於頂唔順要call in sick!

我琴晚成9:00pm都仲係出面, 睇緊人哋 Hula dance class, 我一路睇, 個背脊一路痛, 痛到我想嘔, 終於頂到 9:30pm, 終於搞掂可以返屋企 /sweat

我一返到屋企立即去沖涼, 跟住攤左喺床就瞓左。一瞓瞓到今日, 一起身都仲係好痛, 所以我都係call in sick算數, 留喺屋企休息下.


我9:30am起左身, 食左啲野, 跟住就攤唞吓, 睇下電視, 瞓下覺, 好快大隻佬就放工喇！/blush

大隻佬見我咁可憐, 佢就話不如同我出去食下野啦~ 雖然我個背脊仲係唔係咁舒服, 咁我又唔想 Friday night 要佢陪我食飯盒, 所以我哋最尾去左downtown食飯.

我哋去左Sura食韓國野,  因為我想食啲熱野暖下胃. 

大隻佬以前好憎食韓國野, 成日都話好似食農村菜咁, 不過經過我多年嘅感化, 佢而家不知幾鍾意食, 有時係佢自己話要食添呀!!!

我哋食完野, 去左日本超市行左個圈, 大隻佬又要買佢次次去親Robson都要食嘅紅豆綠茶雪糕crepe! 佢好快就食晒, 我淨係分得兩啖咋!!! /no