Abbotsford -> Oakridge -> Richmond

今日大隻佬一早約左要去Abbotsford換呔. 我本來想唔去㗎, 因為坐得耐會背脊痛, 不過唔陪佢去又好似好無義氣, 所以我最尾都係同大隻佬一切去 ~ 我真係唔話得, 果然有義氣呀吓!!

好彩今日我哋校arm時間唔塞車, 1:00pm 出車, 3:30pm 就搞掂返到 Vancouver. 跟住我哋去左 Oakridge Center, 因為我喺 Crate & Barrel reserve 左啲野, 要去 pick up.

又到聖誕, 又到聖誕......啦啦啦啦啦啦

不過件貨有啲問題,  要 back order, 又要等多個星期先有 /floor


見到啲得意嘅聖誕樹裝飾, 買左雙個ornament, 等我今年換下屋企啲聖誕裝飾先~

起左身噤耐都未食野, 好鬼肚餓, Mr M. 咁arm搵我問我做緊乜, 咁就不如一齊去食個下午茶啦。今日想食港式下午茶, 所以我哋又去左 Richmond 食鹿苑.

鹿苑嘅西多士喺用糖膠, 唔係鬼佬 pancake syrup, 我次次嚟都一定order西多士㗎!!!

我哋食飽飽去左八百伴, 買啲餸就返屋企,  因為我個背脊又開始痛喇  /no
因為食左藥, 好鬼攰, 我返到屋企灘吓灘下就瞓左, 竟然一瞓瞓到第二日, 晚飯都無食 /sweat